Movie News

ఓపెనింగ్ టాక్…. డామినేషన్ ఎవరిది?

నిన్న విడుదలైన రాకాస, బైకర్ రెండు సినిమాలకు నెగటివ్ రెస్పాన్స్ రాలేదు. అత్యద్భుతంగా ఉన్నాయని కాదు కానీ ఒకసారి చూడొచ్చనే అభిప్రాయాలు సోషల్ మీడియాలో కనిపించాయి. గత కొన్ని వారాలుగా డిజాస్టర్ కంటెంట్లతో నీరసపడిన బాక్సాఫీస్ నిన్న కొంచెం కళకళలాడిన మాట వాస్తవం. ముందు రోజే ప్రీమియర్లు వేయడం ఈసారి బాగా ప్లస్ అయ్యింది. వాటి ద్వారా వచ్చిన టాక్, రివ్యూస్ ఉదయం గుడ్ ఫ్రైడే వసూళ్లు పెరగడానికి దోహదం చేశాయి.

అయితే బుకింగ్స్ విషయంలో రాకాసనే డామినేట్ చేయడం ఇక్కడ గమనించాల్సిన విషయం. గత ఇరవై నాలుగు గంటల్లో బుక్ మై షోలో రాకాస సుమారుగా 62 వేలకు పైగా టికెట్లు అమ్మితే బైకర్ 42 వేల పైచిలుకు దగ్గర ఆగిపోయింది. అంటే సంగీత్ శోభన్ మూవీ ఏకంగా యాభై శాతం మార్జిన్ తో పై చేయి సాధించడం స్పష్టంగా కనిపిస్తోంది. బడ్జెట్, క్యాస్టింగ్, ఇమేజ్ పరంగా ఎన్నోరెట్లు పై స్థాయిలో ఉన్న బైకర్ ఇంత నెమ్మదిగా రెస్పాన్స్ తెచ్చుకోవడం ఆశ్చర్యం కలిగించే విషయం.

ఇలా ఎందుకు జరిగిందనే దానికి కారణాలు లేకపోలేదు. బైకర్ మనకు అంతగా పరిచయం లేని బైక్ రేసింగ్ బ్యాక్ డ్రాప్ లో రూపొందిన స్పోర్ట్స్ డ్రామా. తండ్రి కొడుకు ఎమోషన్ మీద ఎక్కువ దృష్టి పెట్టిన దర్శకుడు అభిలాష్ రెడ్డి రెగ్యులర్ ఆడియన్స్ కి అవసమైన బేసిక్ ఎంటర్ టైన్మెంట్, కమర్షియల్ ఎలిమెంట్స్ మిస్సయ్యారు. హై మూమెంట్స్ తక్కువగా ఉన్నాయి. అయినా సరే టీమ్ పడిన కష్టం ఆడియన్స్ కి అర్థం కావడం వల్ల బాగానే ఉందనే మాట బయటికి వస్తోంది.

ఇప్పుడు మొదటి వీకెండ్ చాలా కీలకం కానుంది. శని ఆదివారాలు ఎవరు ఆధిపత్యం చెలాయిస్తారనే దాని మీద ట్రేడ్ వర్గాలు ఆసక్తికరంగా ఎదురు చూస్తున్నాయి. బిజినెస్ కోణంలో చూస్తే రాకాస త్వరగా గెటాన్ అయ్యేలా ఉంది. పోటీలో వచ్చిన డబ్బింగ్ సినిమాలు లీడర్, కార్మేని సెల్వం ఎవరూ పట్టించుకోలేక మార్నింగ్ షోకే జనం లేని హాళ్లతో బోసిపోయాయి. రాకాసలో హారర్, కామెడీ ఎంతో కొంత కాలక్షేపం చేయించడం జనాన్ని థియేటర్లకు వచ్చేలా చేస్తోంది.

This post was last modified on April 4, 2026 12:46 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

3 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

4 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

5 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

6 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

6 hours ago