హీట్ పెంచేస్తున్న నభా.. శారీలోనూ ఇంత గ్లామరా?

టాలీవుడ్ ఇస్మార్ట్ బ్యూటీ నభా నటేష్ సోషల్ మీడియాలో పోస్ట్ చేసిన ఫోటోలు ఇప్పుడు అందరి దృష్టిని ఆకర్షిస్తున్నాయి. సాధారణంగా గ్లామర్ పాత్రలకు కేరాఫ్ అడ్రస్‌గా నిలిచే నభా, ఈసారి బ్లాక్ శారీలో చాలా క్లాసీగా కనిపిస్తున్నారు. “ఇన్ మై శారీ ఎరా” అంటూ ఆమె పెట్టిన క్యాప్షన్ చూస్తుంటే, తన స్టైల్ స్టేట్‌మెంట్‌ను మార్చుకోవాలని ఆమె గట్టిగా ప్రయత్నిస్తున్నట్లు అర్థమవుతోంది. డార్క్ కలర్ నెట్టెడ్ శారీలో నభా ఇస్తున్న స్టిల్స్ ఆమెలోని కొత్త యాంగిల్‌ను బయటపెట్టాయి.

సినిమా ఇండస్ట్రీలో ఒక నటి తన ఇమేజ్‌ను ఎప్పటికప్పుడు అప్‌డేట్ చేసుకోవడం చాలా ముఖ్యం. నభా నటేష్ కూడా అదే బాటలో నడుస్తున్నారు. ఈ ఫోటోషూట్ చూస్తుంటే ఆమె కేవలం గ్లామర్ షోకే పరిమితం కాకుండా, విభిన్నమైన పాత్రలకు కూడా తాను సరిపోతానని మేకర్స్‌కు సంకేతాలు ఇస్తున్నట్లు తెలుస్తోంది. 

అసలు విషయానికి వస్తే, నభా నటేష్ ఇప్పుడు తన కెరీర్‌ను చాలా పకడ్బందీగా ప్లాన్ చేసుకుంటున్నారు. ఒక ప్రమాదం కారణంగా కొంతకాలం సినిమాలకు దూరమైన ఆమె, ఇప్పుడు మళ్ళీ తన ఫామ్‌ను నిరూపించుకునేందుకు సిద్ధమయ్యారు. కేవలం కమర్షియల్ సినిమాలే కాకుండా, కంటెంట్ ఉన్న చిత్రాలపై ఆమె దృష్టి పెడుతున్నారు. తన ఇమేజ్‌కు సరిపోయేలా విభిన్నమైన కథలను ఎంచుకుంటూ బాక్సాఫీస్ దగ్గర మళ్ళీ సత్తా చాటాలని చూస్తున్నారు.

ప్రస్తుతం ఆమె చేతిలో కొన్ని క్రేజీ ప్రాజెక్టులు ఉన్నాయి. అందులో ముఖ్యంగా నిఖిల్ హీరోగా రాబోతున్న ‘స్వయంభూ’ సినిమాపై మంచి అంచనాలు ఉన్నాయి. ఇది ఒక పీరియడ్ డ్రామా కావడంతో నభా పాత్ర చాలా కీలకంగా ఉండబోతోందని సమాచారం. ఇవే కాకుండా ‘నాగబంధం’ అనే మరో విభిన్నమైన కథాంశంతో వస్తున్న సినిమాలో కూడా ఆమె నటిస్తున్నారు. ఈ రెండు సినిమాలు నభా కెరీర్‌కు చాలా ముఖ్యమైనవి. మరి ఆ సినిమాలు ఎలాంటి ఫలితాన్ని అందుకుంటాయో చూడాలి.