చాయ్ బిస్కెట్.. సోషల్ మీడియాలో ఉండే తెలుగు జనాలకు ఈ పేరును కొత్తగా పరిచయం చేయాల్సి పని లేదు. యూట్యూబ్లో షార్ట్ ఫిలిమ్స్ ఫాలో అయ్యే వాళ్లకు ఈ సంస్థ ఎంత వినూత్నమైన కంటెంట్ అందిస్తుందో తెలిసిందే. ‘కలర్ ఫోటో’తో హీరోగా, దర్శకుడిగా మంచి పేరు సంపాదించిన సుహాస్, సందీప్ రాజ్ ఈ సంస్థ అందించిన ఆణిముత్యాలే.
ఇలా ఎంతోమంది కొత్త నటీనటులు, టెక్నీషియన్లు చాయ్ బిస్కెట్ ద్వారా అవకాశాలు అందుకుని పేరు సంపాదించిన వాళ్లే. షార్ట్ పిలిమ్స్ మాత్రమే అనేక రకాల వినూత్న వీడియోలు, ఆర్టికల్స్, పాడ్ కాస్ట్లతో చాయ్ బిస్కెట్ తన ప్రత్యేకతను చాటుకుంది. సోషల్ మీడియా సర్కిల్స్లో చాయ్ బిస్కెట్ బాగా ఫేమస్. ఇప్పుడీ సంస్థ సినీ రంగ ప్రవేశం చేస్తుండటం విశేషం. చాయ్ బిస్కెట్ కొత్తగా ఓ సినిమాను నిర్మించబోతోంది.
ఆడియో రికార్డింగ్ కంపెనీ లహరి మ్యూజి్క్తో కలిసి చాయ్ బిస్కెట్ సినిమాను నిర్మించబోతోంది. చాయ్ బిస్కెట్ ఫిలిమ్స్ పేరుతో కొత్త సంస్థను ఏర్పాటు చేసి ఇప్పటికే ఓ సినిమాను పట్టాలెక్కించారు సంస్థ నిర్వాహకులు. ఇందులో ముఖ్య పాత్రలు పోషిస్తున్న నటీనటులు.. దర్శకుడు, ఇతర టెక్నీషియన్లు అందరూ కొత్త వాళ్లేనట.
లహరితో కలిసి చాయ్ బిస్కెట్ నిర్మిస్తున్న తొలి సినిమా ఫస్ట్ లుక్, ఇతర విశేషాలు 2021 జనవరి 1న బయటికి రాబోతున్నాయి. చాయ్ బిస్కెట్ వాళ్ల షార్ట్ ఫిలిమ్స్, ఇతర వీడియోలను బట్టి చూస్తే సినిమా కూడా ప్రయోగాత్మకంగా, సరికొత్తగా ఉంటుందని ఆశించవచ్చు. ఈ ఒక్క సినిమాతో ఆగకుండా చాయ్ బిస్కెట్, లహరి భాగస్వామ్యంలో మున్ముందూ చాలా సినిమాలు రాబోతున్నాయట. అందరూ కొత్త వాళ్లతోనూ ఈ సినిమాలు తీస్తామని వాళ్లు చెబుతుండటం విశేషం.
This post was last modified on December 23, 2020 4:00 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…