దర్శకుడు గుణశేఖర్ అంటే మూవీ లవర్స్ కు వెంటనే గుర్తొచ్చే పేర్లు ఒక్కడు, చూడాలని ఉంది. భారీతనానికి కేరాఫ్ అడ్రెస్ గా నిలిచిన ఈ బ్లాక్ బస్టర్స్ మహేష్ బాబు, చిరంజీవి కెరీర్లకు ఎంత ప్లస్ అయ్యాయో మళ్ళీ చెప్పనక్కర్లేదు. ఆ తర్వాత గుణశేఖర్ ఎన్నో గ్రాండియర్స్ తీశారు కానీ అవేవి పైన చెప్పిన వాటి స్థాయిలో సగం కూడా కాలేకపోయాయి.
అర్జున్, రుద్రమదేవి కొంచెం పర్వాలేదనిపిస్తే వరుడు నుంచి మొన్నటి శాకుంతలం వరకు ఆయన తిన్న దెబ్బలు అన్ని ఇన్ని కావు. అయినా సరే పట్టువదలని విక్రమార్కుడిగా ప్రయత్నాలు ఆపడం లేదు. తన కొత్త మూవీ యుఫొరియా ఫిబ్రవరి 6 విడుదల కానుంది.
ఈ సందర్భంగా జరుగుతున్న ప్రమోషన్ల భారం మొత్తం నిర్మాత కం దర్శకుడిగా గుణశేఖర్ తన భుజాల మీద వేసుకున్నారు. ట్రైలర్ వచ్చి రోజులు దాటిపోయింది కానీ ఇంకా బజ్ పెరగలేదు. ఈసారి చాలా సెన్సిటివ్ కాన్సెప్ట్ తీసుకున్న ఈ క్రియేటివ్ డైరెక్టర్ క్లాస్, మాస్ సంబంధం లేకుండా ఒక సీరియస్ ఇష్యూని కమర్షియల్ ఫ్లేవర్ తో ప్రెజెంట్ చేసే ప్రయత్నం చేశారు.
ఒక్కడులో హీరోయిన్ గా నటించిన భూమికకు తల్లి పాత్ర ఇచ్చారు. దురంధర్ లాంటి ఇండస్ట్రీ హిట్ లో నటించిన సారా అర్జున్ ని లీడ్ రోల్ కు తీసుకున్నారు. మిగిలిన క్యాస్టింగ్ లో అధిక శాతం కొత్త కుర్రాళ్లే ఉన్నారు.
డ్రగ్స్ ద్వారా యువత జీవితాలు ఎంత దారుణంగా తలకిందులవుతాయో చెప్పే ప్రయత్నమే యూఫోరియా. కాకపోతే మెసేజ్ తరహాలో కాకుండా యాక్షన్, థ్రిల్ మిక్స్ చేసి కొత్తగా చెప్పబోతున్నారు. కాన్సెప్ట్ ఎంత మంచిదే అయినా జనాన్ని థియేటర్లకు రప్పించడం పెద్ద సవాల్ గా మారిపోయిన ట్రెండ్ లో గుణశేఖర్ దీన్ని డూ ఆర్ డై తరహాలో టేకప్ చేసి థియేటర్ల దాకా తీసుకొచ్చారు.
సంక్రాంతి నుంచి ఎంటర్ టైన్మెంట్ మూడ్ లో ఉన్న ఆడియన్స్ ని తనవైపుకి తిప్పుకోవడం పెద్ద సవాలే. పైగా మునుపటి ఫామ్ లోకి వచ్చి వరసగా సినిమాలు చేయాలంటే ఇది హిట్ కావాల్సిందే. దాని కోసమే ఒంటరి పోరాటం చేస్తున్నారు.
This post was last modified on January 28, 2026 11:22 am
గత కొన్నేళ్లలో మలయాళ దర్శకులు బాగా డెవలప్ అయ్యారు. క్రైమ్, హారర్, సస్పెన్స్ ఈ మూడు అంశాలను తీసుకుని వాటికి…
రేపు విడుదల కాబోతున్న కొత్త సినిమాల ప్రమోషన్ల ఘట్టం ముగిసిపోయింది. ఎవరికి వారు శాయశక్తులా తమ పబ్లిసిటీకి ఏమేం కావాలో…
అంశం ఏదైనా సరే.. కేంద్ర ప్రభుత్వం ఒకసారి డిసైడ్ అయితే.. తన అజెండాకు తగ్గట్లుగా పరిస్థితుల్ని మార్చేయటం కొత్తేం కాదు.…
పునర్విభజన చట్టంలో భాగంగా అసెంబ్లీ స్థానాల్ని గుండుగుత్తగా యాభై శాతం పెంచుతారన్న దానిపై ఎవరికి ఎలాంటి సందేహాల్లేవు. కాకుంటే.. లోక్…
వేసవి వచ్చిందంటే చాలు.. గల్లీ నుంచి ఢిల్లీ వరకు అంతా మామిడి పండ్ల కోసమే ఎదురుచూస్తారు. ఒకప్పుడు వేసవి సెలవుల్లో…
బీజేపీ, వైసీపీల మధ్య మైత్రి ఇంకెన్నటికీ చెక్కు చెదరదనే చెప్పాలి. ఎందుకంటే...బీజేపీ ఇప్పటిదాకా ప్రతిపాదించిన ప్రతి అంశానికి బేషరతుగా మద్దతు ప్రకటించిన వైసీపీ...తాజాగా నియోజకవర్గాల పునర్విభజనకు కూడా…