టాక్సిక్ టీజర్ సోషల్ మీడియాలో హాట్ టాపిక్ గా మారింది. ముఖ్యంగా కారులో రొమాన్స్ పెట్టి దాని ద్వారా స్మశానంలో ఉన్న విలన్లను బాంబు ద్వారా పేల్చే సీన్ గురించి వేడి వేడి చర్చలు జరుగుతున్నాయి. ఇక్కడ డీసెంట్ గా చెప్పాము కానీ ఆ సన్నివేశంలో ఎంత ఇంటెన్సిటీ ఉందో ప్రేక్షకులు గుర్తించేశారు.
అయితే హీరోయిజంని ఎలివేట్ చేయడానికి ఇలాంటి ఎపిసోడ్ డిజైన్ చేసుకుంటారానే కామెంట్స్ ఉన్నప్పటికీ ఒక లేడీ డైరెక్టర్ గా ఇంత డేరింగ్ స్టెప్ వేయడం సందీప్ రెడ్డి వంగా లాంటి క్రియేటర్స్ ప్రశంసలు అందుకుంటోంది. అడల్ట్స్ స్టోరీ అన్నారు కాబట్టి పిల్లలకు రికమండ్ చేసే ఛాన్స్ లేనట్టే.
గతంలో టాలీవుడ్ లోనే కాదు దేశవ్యాప్తంగా చెప్పుకోదగ్గ మహిళా దర్శకులు ఉన్నారు కానీ బలమైన ముద్ర వేసిన వాళ్ళు తక్కువ. మనవైపు గిన్నిస్ రికార్డ్ హోల్డర్ విజయనిర్మల గారిని ప్రత్యేకంగా గుర్తు చేసుకోవచ్చు. ఆవిడ ఇచ్చిన ఎన్నో సూపర్ హిట్ క్లాసిక్స్ గురించి ఇప్పటికీ సినీ ప్రియులు గుర్తు చేసుకుంటూ ఉంటారు.
సమంతతో మా ఇంటి బంగారం తీస్తున్న నందిని రెడ్డి ఖాతాలో అలా మొదలయ్యింది, ఓ బేబీ లాంటి సూపర్ హిట్స్ ఉన్నాయి. తెలుసు కదాతో డైరెక్టర్ గా మారిన నీరజ కోన జెన్ జీ బ్యాచ్ కి ఏదో కొత్త కాన్సెప్ట్ చెప్పాలని చూశారు కానీ జనాలకు కనెక్ట్ కాక ఆశించిన ఫలితం దక్కలేదు.
వీళ్ళందరూ మేకింగ్ పరిమితులను పాటిస్తూ సమాజాన్ని దృష్టిలో పెట్టుకుని సినిమాలు తీసినవాళ్లు. కానీ గీతూ మోహన్ దాస్ ఆ హద్దులు చెరిపేసినట్టే. 2009లో తొలి మలయాళం షార్ట్ ఫిలిం ‘కెల్కున్నుందో’తో అంతర్జాతీయ గుర్తింపు తెచ్చుకున్న ఈవిడ ఆ తర్వాత లయర్స్ డైస్, మూథోన్ తో ప్రశంసలు, అవార్డులు తెచ్చుకున్నారు.
ఇదంతా ఏడు సంవత్సరాల వెనుక కథ. అప్పటి నుంచి టాక్సిక్ మీద వర్క్ చేస్తున్న గీతూ మోహన్ దాస్ కెజిఎఫ్ లాంటి ఇండస్ట్రీ హిట్ అందుకున్న యష్ ని ఒప్పించడంలో సక్సెస్ అయ్యారు. అయినా టీజరే ఇంత వయొలెంట్ గా ఉందంటే ఇక అసలు బొమ్మ ఏ స్థాయిలో ఉంటుందో ఊహించడం కష్టమే.
This post was last modified on January 8, 2026 5:39 pm
అమరావతి రాజధానిపై వైసీపీ అధినేతగా జగన్ చేసిన తాజా వ్యాఖ్యల నేపథ్యంలో ఆయనపై మరోసారి విమర్శలు వెల్లువెత్తుతున్నాయి. రాజధాని విషయంలో…
వైసీపీ అధినేత జగన్ హయాంలో ఓ కుటుంబం రోడ్డున పడింది. కేవలం మాస్క్ అడిగిన పాపానికి ప్రభుత్వం కక్షపూరితంగా వ్యవహరించి…
కోనసీమ జిల్లా వాసులు ఎంతో పవిత్రంగా, ప్రతిష్టాత్మకంగా నిర్వహించుకునే పండుగ జగ్గన్నతోట ప్రభల తీర్థం. ఇది తరతరాలుగా సంప్రదాయబద్ధంగా కొనసాగుతూ…
ఏపీ డిప్యూటీ సీఎం పవన్ కల్యాణ్.. వైసీపీ నేతలకు, కార్యకర్తలకు స్ట్రాంగ్ వార్నింగ్ ఇచ్చారు. పిఠాపురం నియోజకవర్గంలో పిచ్చి పిచ్చి…
ప్రభాస్ను సూటులో స్టైలిష్ గా చూపిస్తూ ‘రాజాసాబ్’ సినిమా ఫస్ట్ గ్లింప్స్ వదిలినపుడు ఇది ఒక రొమాంటిక్ ఎంటర్టైనర్ అనుకున్నారంతా.…
వైసీపీలో చీలిక ఏర్పడుతోందా? ప్రజల మనోభావాలను విస్మరిస్తున్న వైసీపీ అధినేతపై ఆ పార్టీ నాయకులు గుస్సాగా ఉన్నారా? అంటే ఔననే…