ప్ర‌భాస్ ఫామ్ హౌస్ విలువ అంతా?

బాహుబ‌లితో అంత‌ర్జాతీయ స్థాయిలో తిరుగులేని గుర్తింపు సంపాదించాడు ప్ర‌భాస్. అత‌డికి సంబంధించిన ప్ర‌తి వార్తా ఇప్పుడు అమితాస‌క్తిని రేకెత్తించేదే. త‌న ఇల్లు, త‌న కారు, త‌న ఫామ్ హౌస్‌.. ఇలా ప్ర‌భాస్‌కు సంబంధించిన ప్ర‌తి అంశం మీదా జ‌నాల‌కు ప్ర‌త్యేక దృష్టి ఉంటుంది. మీడియా కూడా ఈ వివ‌రాలు రాబ‌ట్ట‌డానికి ప్ర‌య‌త్నిస్తుంటుంది.

తాజాగా ప్ర‌భాస్ ఫామ్ హౌస్ ముచ్చ‌ట్ల గురించి బాలీవుడ్ మీడియాలోనూ వార్త‌లొస్తుండ‌టం విశేషం. దాని విలువ ఏకంగా రూ.60 కోట్ల‌ని అంటున్నారు. హైద‌రాబాద్ శివార్ల‌లో చాలామంది సెల‌బ్రెటీల్లాగే ప్ర‌భాస్ సైతం పెద్ద ఫామ్ హౌస్ ఏర్పాటు చేసుకున్నాడు. అక్క‌డ పంట‌లు పండించ‌డంతో పాటు వివిధ ర‌కాల చెట్లూ పెంచుతున్నారు.

ప్ర‌భాస్ ఎప్పుడైనా అక్క‌డికి వెళ్లి ఆహ్లాదంగా గ‌డ‌ప‌డానికి త‌గ్గ ఏర్పాట్ల‌న్నీ చేశార‌ట‌. సౌక‌ర్యాల‌కు ఏ లోటూ లేని ఆ ఫామ్ హౌస్ విలువ రూ.60 కోట్లంటూ ఓ ప్ర‌ముఖ బాలీవుడ్ మీడియా సంస్థ క‌థ‌నం ప్ర‌చురించింది. తెలంగాణ అధికార పార్టీ ఎంపీ సంతోష్‌తో క‌లిసి ప్ర‌భాస్ మొక్క‌లు నాటింది ఈ ఫామ్ హౌస్‌లోనే.

ప్ర‌కృతి ప్రేమికుడైన ప్ర‌భాస్.. హైద‌రాబాద్ శివార్ల‌లో ప్ర‌భుత్వ ఆధ్వ‌ర్యంలోని అట‌వీ ప్రాంతాన్ని ద‌త్త‌త తీసుకుని దాన్ని మెయింటైనెన్స్ బాధ్య‌త తీసుకున్న సంగ‌తి కూడా తెలిసిందే. ఇందుకోసం కోసం అత‌ను కోట్ల రూపాయ‌లు ఖ‌ర్చు చేస్తున్నాడు. చేయ‌బోతున్నాడు. కొన్నేళ్ల పాటు దాని నిర్వ‌హ‌ణ అంతా ప్ర‌భాస్ టీమే చూసుకోనుంది.