ఈ వారం బాక్సాఫీస్ పోటీ ఆసక్తికరంగా ఉంది. స్టార్లు లేకపోయినా సరే కంటెంట్ల మధ్య యుద్ధం ప్రేక్షకులను వీటి వైపు చూసేలా ప్రేరేపిస్తోంది. అల్లరి నరేష్ మొదటిసారి క్రైమ్ థ్రిల్లర్ చేసిన ’12 ఏ రైల్వే కాలనీ’ మీద క్రమంగా అంచనాలు పెరుగుతున్నాయి. కామెడీని పక్కన పెట్టి వివిధ జానర్లు ట్రై చేస్తున్న అల్లరోడు ఈసారి పొలిమేర దర్శకుడు డాక్టర్ అనిల్ విశ్వనాథ్ కథతో డైరెక్టర్ గా నాని కాసరగడ్డకు మొదటి అవకాశం ఇచ్చాడు. ట్రైలర్ ఇంటరెస్టింగ్ గానే అనిపించింది. కమర్షియల్ హంగామా లేకుండా కుర్చీకి కట్టిపడేసే స్క్రీన్ ప్లేతో ప్రేక్షకులను మెస్మరైజ్ చేస్తామని టీమ్ హామీ ఇస్తోంది. హీరోయిన్ గా కామాక్షి భాస్కర్ల నటించింది.
ప్రియదర్శి, ఆనంది జంటగా నటించిన ‘ప్రేమంటే’ వెరైటీ ప్రమోషన్లతో అటెన్షన్ తీసుకుంటోంది. యాంకర్ సుమ పోలీస్ ఆఫీసర్ గా నటించడాన్ని బాగా హైలైట్ చేస్తున్నారు. దర్శకుడిగా నవనీత్ శ్రీరామ్ కు ఇది డెబ్యూ మూవీ. ఏషియన్ సంస్థ అండదండలు ఉండటంతో డిస్ట్రిబ్యూషన్ పరంగా ఇబ్బందులు లేవు. మిత్ర మండలితో షాక్ తిన్న ప్రియదర్శి ఈసారి ఎలాంటి అతిశయోక్తి స్టేట్ మెంట్లు ఇవ్వలేదు. దాదాపు అందరూ కొత్త వాళ్లతో తీసిన ‘రాజు వెడ్స్ రాంబాయి’ మీద సోషల్ మీడియా దృష్టి పడింది. క్లైమాక్స్ లీక్ వార్తలు రావడం, టైటిల్ సాంగ్ హిట్ కావడంతో యూత్ ఓపెనింగ్స్ వచ్చేలా ఉన్నాయి. సాయిల కంపతి దర్శకుడు.
యాక్షన్ కింగ్ అర్జున్, ఐశ్వర్య రాజేష్ నటించిన ‘మఫ్టీ పోలీస్’ కూడా వీటితో పాటు బరిలో దిగుతోంది. దర్శకుడు దినేష్ లక్ష్మణన్. డబ్బింగ్ మూవీనే అయినప్పటికీ షాకింగ్ ఎలిమెంట్స్ ఉంటాయని టీమ్ చెబుతోంది. చిరంజీవి 1990 క్లాసిక్ ‘కొదమసింహం’ని భారీ ఎత్తున రీ రిలీజ్ చేస్తున్నారు. ట్రైలర్ క్వాలిటీ చూశాక శివ స్థాయిలో స్పందన ఉంటుందని మెగా ఫ్యాన్స్ ఎదురు చూస్తున్నారు. వీటితో పాటు బాలీవుడ్ మూవీ ‘120 బహద్దూర్’ మీద పాజిటివ్ బజ్ ఉంది. సో ఎవరైతే కంటెంట్ తో జనాన్ని మెప్పిస్తారో వాళ్లే విజేతలుగా నిలుస్తారు. గత శుక్రవారం రిలీజైనవి ఆల్రెడీ ఫైనల్ రన్ కు దగ్గర కావడంతో మంచి ఛాన్సే ఉంది.
This post was last modified on November 18, 2025 4:56 pm
రేపు విడుదల కాబోతున్న కొత్త సినిమాల ప్రమోషన్ల ఘట్టం ముగిసిపోయింది. ఎవరికి వారు శాయశక్తులా తమ పబ్లిసిటీకి ఏమేం కావాలో…
అంశం ఏదైనా సరే.. కేంద్ర ప్రభుత్వం ఒకసారి డిసైడ్ అయితే.. తన అజెండాకు తగ్గట్లుగా పరిస్థితుల్ని మార్చేయటం కొత్తేం కాదు.…
పునర్విభజన చట్టంలో భాగంగా అసెంబ్లీ స్థానాల్ని గుండుగుత్తగా యాభై శాతం పెంచుతారన్న దానిపై ఎవరికి ఎలాంటి సందేహాల్లేవు. కాకుంటే.. లోక్…
వేసవి వచ్చిందంటే చాలు.. గల్లీ నుంచి ఢిల్లీ వరకు అంతా మామిడి పండ్ల కోసమే ఎదురుచూస్తారు. ఒకప్పుడు వేసవి సెలవుల్లో…
బీజేపీ, వైసీపీల మధ్య మైత్రి ఇంకెన్నటికీ చెక్కు చెదరదనే చెప్పాలి. ఎందుకంటే...బీజేపీ ఇప్పటిదాకా ప్రతిపాదించిన ప్రతి అంశానికి బేషరతుగా మద్దతు ప్రకటించిన వైసీపీ...తాజాగా నియోజకవర్గాల పునర్విభజనకు కూడా…
భారతదేశ చరిత్రలో ఈ రోజు (గురువారం, ఏప్రిల్ 16)కు ఒక ప్రత్యేకత ఉండనుంది. సుదీర్ఘ విరామం తర్వాత లోక్ సభ…