విలన్ ఎంత బలంగా ఉంటే హీరో పాత్ర అంతగా ఎలివేట్ అవుతుందన్నది సినిమాల్లో ప్రాథమిక సూత్రం. ఈ విషయం అర్థం చేసుకున్న దర్శకులు ఆ పాత్రల్ని బలంగా తీర్చిదిద్దడానికి, ఆ పాత్రల కోసం స్టేచర్ ఉన్న ఆర్టిస్టులను తీసుకోవడానికి ప్రయత్నిస్తుంటారు. మాస్ రాజా రవితేజ హీరోగా తాను తెరకెక్కించబోయే కొత్త సినిమా ‘ఖిలాడి’ కోసం రమేష్ వర్మ ఓ సూపర్ విలన్ను ఓకే చేసినట్లు సమాచారం. ఆ విలన్ మరెవరో కాదు.. యాక్షన్ కింగ్ అర్జున్.
కెరీర్లో చాలా వరకు హీరోగా నటించిన అర్జున్.. క్యారెక్టర్ రోల్స్ చేయడం మొదలయ్యాక అప్పుడప్పుడూ విలన్ పాత్రల్లోనూ మెరుస్తున్న సంగతి తెలిసిందే. విశాల్ సినిమా ‘అభిమన్యుడు’లో అతడి విలన్ పాత్రకు అదిరిపోయే రెస్పాన్స్ వచ్చింది. హీరో పాత్రను మించి అది హైలైట్ అయింది. అలాగే తెలుగులో ‘లై’ సినిమాలోనూ విలన్గా మెరిశాడు అర్జున్. ఆ చిత్రం సరిగా ఆడకపోయినా అర్జున్ పాత్ర, నటన మాత్రం అందరినీ ఆకట్టుకున్నాయి.
ఇప్పుడు ‘ఖిలాడి’ సినిమాలోనూ విలన్ పాత్ర ప్రత్యేకమైంది కావడంతో దానికి అర్జున్ను అడగడం, అతను ఓకే చెప్పడం జరిగాయట. రవితేజ సినిమాలో అర్జున్ విలన్ అంటే ఆ కాంబినేషన్పై ప్రత్యేక ఆసక్తి నెలకొని, సినిమాపై అంచనాలు పెరగడానికి అవకాశముంటుంది. ‘ఖిలాడి’ ఓ తమిళ చిత్రానికి రీమేక్ అనే ప్రచారం జరుగుతున్న సంగతి తెలిసిందే. తమిళంలో ఆ చిత్రం ఇంకా విడుదలే కాకపోవడం విశేషం.
అరవింద్ స్వామి, త్రిష జంటగా నటించిన ‘శతురంగ వేట్టై-2’ ఆధారంగా ఈ సినిమా తెరకెక్కుతున్నట్లు సమాచారం. అనివార్య కారణాల వల్ల ఆ చిత్రం ఇంకా విడుదలకు నోచుకోలేదు. ఐతే మంచి సబ్జెక్టుతో తెరకెక్కిన ఈ హైస్ట్ థ్రిల్లర్ను రవితేజ కోసం ఎంచుకున్నాడట రమేష్ వర్మ. గత ఏడాది రమేష్ వర్మ తీసిన మరో తమిళ రీమేక్ ‘రాక్షసుడు’ మంచి విజయాన్నందుకున్న సంగతి తెలిసిందే. ఆ సినిమాను నిర్మించిన కోనేరు సత్యనారాయణనే ‘ఖిలాడి’ని కూడా ప్రొడ్యూస్ చేస్తున్నాడు.
This post was last modified on December 2, 2020 3:32 pm
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…
కొందరు డైరెక్టర్లు నిదానమే ప్రధానం సూత్రం పాటిస్తారు. నెంబర్ కన్నా నాణ్యత ముఖ్యమని ఆ దిశగా స్క్రిప్ట్ కోసమే సంవత్సరాలు…
వేసవిలో కీలక సమయం వచ్చేసింది. స్కూళ్ళు, కాలేజీలకు పూర్తి స్థాయి సెలవులు ఇచ్చేశారు. జనాలు థియేటర్లకు వెళ్లేందుకు మంచి ఆప్షన్ల…
ఏపీలో తలెత్తిన ఎన్నికల గుర్తు రగడ మరో మలుపు తిరిగింది. జనసేనకు కేటాయించిన ఎన్నికల గుర్తు గాజు గ్లాసును స్వతంత్ర…
టాలీవుడ్ దర్శకుల్లో క్రిష్ జాగర్లమూడిది డిఫరెంట్ స్టైల్. ‘గమ్యం’ లాంటి సెన్సేషనల్ మూవీతో మొదలుపెట్టి ఆయన వైవిధ్యమైన సినిమాలతో తనకంటూ…
ప్రస్తుతం తమిళ, తెలుగు భాషల్లో మోస్ట్ వాంటెడ్ లేడీ ఆర్టిస్టుల్లో వరలక్ష్మి శరత్ కుమార్ ఒకరు. ఆమె ఓవైపు లీడ్…