Gulte Telugu Telugu Political and Movie News Updates
వకీల్‍ సాబ్‍ చిత్రాన్ని సంక్రాంతికి విడుదల చేసుకుంటారని భావించి పవన్‍ కళ్యాణ్‍ ఆ సినిమా షూటింగ్‍ నవంబరులో తిరిగి మొదలు పెట్టాడు. అయితే సంక్రాంతికి సినిమా బిజినెస్‍ సాధారణ స్థితికి రాదనే దృఢ నమ్మకంతో దిల్ రాజు ఇప్పటికీ విడుదల ఖరారు చేయలేదు. సమ్మర్‍కి తొలి పెద్ద సినిమాగా దీనిని విడుదల చేయాలని దిల్ రాజు చూస్తున్నాడు. దీని వల్ల పవన్‍ కళ్యాణ్‍ ప్లాన్‍ దెబ్బ తింది.
ఎందుకంటే సంక్రాంతికి వకీల్‍ సాబ్‍ వస్తే ‘అయ్యప్పనుమ్‍ కోశియుమ్‍’ రీమేక్‍ వేసవిలో రిలీజ్‍ చేసుకోవచ్చునని పవన్‍ భావించాడు. అందుకే ఆ సినిమాకోసం నలభై రోజుల కాల్షీట్లు ఇచ్చాడు. కానీ వకీల్‍ సాబ్‍ వెనక్కి వెళ్లడంతో అయ్యప్పనుమ్‍ కోశియుమ్‍ రీమేక్‍ వేసవిలో విడుదల చేసే వీల్లేదు. కనీసం రెండు, మూడు నెలల వ్యవధిలో అయినా పవన్‍ స్థాయి హీరో సినిమాను విడుదల చేయడం మార్కెట్‍కి సమంజసం కాదు.
ఒకవేళ సమ్మర్‍లో వకీల్‍ సాబ్‍ వస్తే కనీసం ఆగస్ట్ లేదా దసరాకు అయ్యప్పనుమ్‍… రిలీజ్‍ ప్లాన్‍ చేసుకోవాల్సి రావచ్చు. అదే జరిగితే ఇక క్రిష్‍ సినిమా వచ్చే ఏడాదిలో కాకుండా ఆ తర్వాతి ఏడాది వేసవికి వాయిదా పడవచ్చు. మరప్పుడు హరీష్‍ శంకర్‍ సినిమా ఎప్పటికి మొదలు కావాలి?
