Gulte Telugu Telugu Political and Movie News Updates
ఈ ఇంటర్నెట్‍ జమానాలో ఎవరెందుకు ఫేమస్‍ అవుతారనేది ఎవరికీ తెలీదు. ఏ పాటకు అయినా పిచ్చి డాన్సులు చేసి తమ పిచ్చి చేష్టలతోనే పాపులర్‍ కావాలని చూసే వాళ్లను జనం పాపులర్‍ చేసేస్తుంటారు. టీజర్లో కన్ను కొట్టిన పిల్లను జాతీయ వ్యాప్తంగా ట్రెండ్‍ చేసేసి సెలబ్రిటీలతో కూడా ట్వీట్లు పెట్టించేస్తారు.
తాజాగా క్రికెట్‍ మ్యాచ్‍ చూస్తూ టెన్షన్‍లో గోళ్లు కొరుకుతూ కనిపించిన ఒక సుందరి ఓవర్‍ నైట్ సెలబ్రిటీ అయింది. ముంబయి వర్సెస్‍ పంజాబ్‍ మధ్య జరిగిన రెండు సూపర్‍ ఓవర్ల మ్యాచ్‍ గుర్తుంది కదా. ఆ మ్యాచ్‍లో గ్యాలరీలో కూర్చుని గోళ్లు కొరుకుతూ కనిపించిన సుందరి పేరు రియానా లాల్వాణి. అసలే ప్రేక్షకులు లేకుండా నిర్వహిస్తోన్న పోటీలు కనుక వున్న ఆ కొందరిలో రియానానే కెమెరాలు అధికంగా కవర్‍ చేసాయి. దీంతో ఆమె ‘సూపర్‍ ఓవర్‍ గాళ్‍’గా పేరు తెచ్చుకుంది.
ఒక్క రోజులో ఆమె ఇన్‍స్టాగ్రామ్‍ ఫాలోవర్స్ కౌంట్‍ వేలకి వేలు దాటేసింది. తన బయో చూసిన వాళ్లకు క్లారిటీ ఇస్తూ ఆమె ‘సూపర్‍ ఓవర్‍ గాళ్‍’ అని ఎడిట్‍ చేసింది. ఈ పాపులారిటీతో త్వరలో ఆమెకు బాలీవుడ్‍ సినిమాలో ఆఫర్‍ వచ్చినా ఆశ్చర్యం లేదు. మామూలుగా అయితే ఇదో పెద్ద న్యూస్‍ అవ్వాలి. కానీ ఈ టిక్‍టాక్‍ యుగంలో ఎవరైనా సెలబ్రిటీ అయిపోవచ్చులెండి.
