Gulte Telugu Telugu Political and Movie News Updates
టీడీపీకి అంతా హ్యాపీనే! జ‌న‌సేన, బీజేపీతో పొత్తు పెట్టుకుని ఏపీలో ఆ పార్టీ అధికారంలోకి వ‌చ్చింది. చంద్ర‌బాబు నాయుడు మ‌రోసారి ఏపీ ముఖ్య‌మంత్రిగా బాధ్య‌త‌లు చేప‌ట్టారు. అంతేకాకుండా కేంద్రంలో ఎన్డీయే ప్ర‌భుత్వంలో టీడీపీ కీల‌క పాత్ర పోషిస్తోంది. బీజేపీకి టీడీపీతో అవ‌స‌ర‌ముంది. అందుకే టీడీపీ ఆనందాన్ని మ‌రింత పెంచుతూ ఆ పార్టీ నాయ‌కుల్లో ఒక‌రిని గ‌వ‌ర్న‌ర్‌గా చేసే అవ‌కాశాన్ని బీజేపీ పరిశీలిస్తున్న‌ట్లు తెలిసింది.
టీడీపీ సూచించిన నాయ‌కుడికి గ‌వ‌ర్న‌ర్ పోస్టు ఇచ్చేందుకు బీజేపీ ముందుకొచ్చిన‌ట్లు స‌మాచారం. ఈ నేప‌థ్యంలో పార్టీలోని సీనియ‌ర్ నాయ‌కులు అశోక్‌గ‌జ‌ప‌తి రాజు, య‌న‌మ‌ల రామ‌కృష్ణుడిలో ఒక‌రిని గ‌వ‌ర్న‌ర్ ప‌ద‌వి వ‌రించే అవ‌కాశం ఉన్న‌ట్లు తెలుస్తోంది. ఈ ఇద్ద‌రి నేత‌ల వార‌సురాళ్లు ఈ సారి ఎన్నిక‌ల్లో విజ‌యాలు సాధించిన సంగ‌తి తెలిసిందే.
య‌న‌మ‌ల కుమార్తె దివ్య, అశోక్‌గ‌జ‌ప‌తి త‌న‌య అదితి ఎమ్మెల్యేలుగా గెలుపొందారు. కానీ వీళ్ల‌లో ఏ ఒక్క‌రికి కూడా బాబు మంత్రి ప‌ద‌వి ఇవ్వ‌లేదు. గ‌తంలో టీడీపీ ప్ర‌భుత్వంలో య‌న‌మ‌ల రామ‌కృష్ణుడు మంత్రిగా ప‌ని చేశారు. మ‌రోవైపు అశోక్ గ‌జ‌ప‌తి రాజు కేంద్ర‌మంత్రిగానూ బాధ్య‌త‌లు నిర్వ‌ర్తించారు. ఈ నేప‌థ్యంలో ఇప్పుడు ఈ ఇద్ద‌రిలో ఒక‌రికి గ‌వ‌ర్న‌ర్ ప‌దవిని ఇచ్చేలా బాబు ఆలోచిస్తున్న‌ట్లు టాక్‌. బీజేపీ ఆఫ‌ర్‌ను వాడుకుని ఈ ఇద్ద‌రిలో ఒక‌రిని గ‌వ‌ర్న‌ర్ చేయాల‌ని బాబు అనుకుంటున్నార‌ని టీడీపీ వ‌ర్గాలు చెబుతున్నాయి. మ‌రి ఎవ‌రికి అవ‌కాశం ద‌క్కుతుందో చూడాలి.
