Gulte Telugu Telugu Political and Movie News Updates
ఏపీలో ఎన్డీఏ ప్రభుత్వం నేడు కొలువుదీరనున్న సంగతి తెలిసిందే. ఎన్డీఏ కూటమి ముఖ్యమంత్రిగా టీడీపీ అధినేత నారా చంద్రబాబు నాయుడు ఈ రోజు ఉదయం 11.47 నిమిషాలకు ప్రమాణ స్వీకారం చేయబోతున్నారు. ఈ క్రమంలోనే చంద్రబాబు కేబినెట్ లో ఉండబోయే మంత్రులు ఎవరు అన్నదానిపై నిన్న అర్ధరాత్రి వరకు చంద్రబాబు, పవన్ చర్చించారు. ఈ క్రమంలోనే తాజాగా ఈ రోజు చంద్రబాబుతోపాటు ప్రమాణం చేయనున్న 24 మంది మంత్రుల జాబితా విడుదలైంది. ఒక స్థానాన్ని ఖాళీగా ఉంచారు. జనసేన అధినేత పవన్ కల్యాణ్ డిప్యూటీ సీఎంగా ప్రమాణ స్వీకారం చేయబోతున్నారు.
ఎన్డీఏ కూటమిలో కీలకమైన జనసేనకు 3 మంత్రి పదవులను కేటాయించారు. బీజేపీకి ఒక స్థానం దక్కింది. మంత్రివర్గంలో 17 మంది కొత్త వారికి చంద్రబాబు అవకాశమిచ్చారు. సామాజిక వర్గాల వారీగా అన్ని వర్గాలను బ్యాలెన్స్ చేస్తూ మంత్రివర్గ కూర్పు చేశారు. నలుగురు కాపులు, నలుగురు కమ్మ, ముగ్గురు రెడ్లు..ముగ్గురు మహిళలు, 8 మంది బీసీలు, ఇద్దరు ఎస్సీలు, ఒక ఎస్టీ, ఒఖ ముస్లిం మైనారిటీ, ఒక వైశ్య…ఇలా అందరినీ సంతృప్తి పరిచేలా కేబినెట్ కూర్పు జరిగింది. సీనియర్, యువ నాయకుల మధ్య సమతూకం పాటిస్తూ మంత్రివర్గ కూర్పు చేశారు.
కొత్త మంత్రుల జాబితా ఇదే
- కొణిదెల పవన్ కల్యాణ్
- నారా లోకేశ్
- కింజరాపు అచ్చెన్నాయుడు
- కొల్లు రవీంద్ర
- నాదెండ్ల మనోహర్
- పొంగూరు నారాయణ
- అనిత వంగలపూడి
- సత్యకుమార్ యాదవ్
- నిమ్మల రామానాయుడు
- ఎన్ఎండీ ఫరూక్
- ఆనం రామనారాయణరెడ్డి
- పయ్యావుల కేశవ్
- అనగాని సత్యప్రసాద్
- కొలుసు పార్థసారథి
- డోలా బాల వీరాంజనేయస్వామి
- గొట్టిపాటి రవికుమార్
- కందుల దుర్గేశ్
- గుమ్మడి సంధ్యారాణి
- బీసీ జనార్ధన రెడ్డి
- టీజీ భరత్
- ఎస్. సవిత
- వాసంశెట్టి సుభాష్
- కొండపల్లి శ్రీనివాస్
- ముండిపల్లి రామ్ ప్రసాద్ రెడ్డి
