Gulte Telugu Telugu Political and Movie News Updates
కళ్యాణ్ రామ్ కష్టానికి తగ్గ ఫలితం ఇచ్చిన బింబిసార బాక్సాఫీస్ వద్ద చాలా స్ట్రాంగ్ గా నిలబడింది. సీతారామం ఫ్యామిలీ ఆడియన్స్ ని ఆకట్టుకోగా ఇటుపక్క బింబిసార మాస్ ని తనవైపు లాక్కుంటోంది. మొత్తానికి రెండు కలిసి ఆడియన్స్ ని పంచుకుని హ్యాపీగా సూపర్ హిట్ స్టాంప్ నుంచి బ్లాక్ బస్టర్ వైపు పరుగులు పెడుతున్నాయి. దీని విడుదలకు ముందు నుంచే సీక్వెల్ గురించి ప్రస్తావిస్తూ వచ్చిన నందమూరి హీరో దానికి సంబంధించిన కీలకమైన లీక్స్ ని ఒక్కొక్కటిగా బయట పెడుతున్నారు. అందులో భాగంగానే క్లూ ఇచ్చారు.
రెండో భాగంలో తమ్ముడు దేవదత్తుడుని బింబిసార ఎలా చంపాడన్న నేపధ్యం ఉంటుందట. అంతేకాదు ఇద్దరి మధ్య వైరం ఎలా మొదలయ్యింది, అంత దుర్మార్గుడిగా అన్న ఎలా మారాడు అనే విషయాన్నీ ఇందులో డీటెయిల్డ్ గా చూపించబోతున్నట్టు చెప్పేశాడు. నిజానికి ఇది రాజమౌళి వాడిన ఫార్ములా. అందులో కూడా ఫస్ట్ పార్ట్ లో కట్టప్ప బాహుబలిని ఎందుకు చంపాడన్న సస్పెన్స్ ని క్రియేట్ చేసి టూ మీద అంచనాలు పెంచేశారు. అది చాలా ఉపయోగపడింది. బింబిసారను ఆ స్థాయితో పోల్చలేం కానీ ఇంటరెస్టింగ్ ట్విస్ట్ అయితే పెట్టారు.
బడ్జెట్ కూడా పెంచబోతున్నట్టు కళ్యాణ్ రామ్ హింట్ ఇచ్చేశాడు. ఫ్లాప్స్ లో ఉన్నప్పుడే నిర్మాతగా బడ్జెట్ లెక్క చేయకుండా సినిమాలు తీసిన ఇతను ఇంత పెద్ద సక్సెస్ అందుకున్నాక కాంప్రోమైజ్ ఎందుకు అవుతాడు. దర్శకుడు వశిష్ట నెక్స్ట్ చేయబోయే చిత్రమిదేనా లేక ఇంకో హీరోతో చేశాక ఇది మొదలుపెడతాడా అనే క్లారిటీ ఇంకా రావాలి. పెద్ద బ్యానర్ల నుంచి ఆఫర్ లయితే వస్తున్నాయి. కళ్యాణ్ రామ్ ప్రస్తుతం డెవిల్ పూర్తి చేయాల్సి ఉంది. అది అయ్యేలోపు బింబిసార 2కి సంబంధించిన పనులు కొలిక్కి వస్తాయి. ఫ్యాన్స్ ఊహించుకున్నట్టు ఇందులో జూనియర్ ఎన్టీఆర్ ఉండే అవకాశాలు లేనట్టే.
