ఏపీ ఎమ్మెల్యే కారు నెంబరు.. ‘ఏపీ సీఎం జగన్’

అధికారంలో చేతిలో ఉంటే ఏమైనా చేస్తామన్నట్లుగా వ్యవహరించే తీరు కొందరిలో ఉంటుంది. నిజానికి ఇలాంటివారి కారణంగా ప్రభుత్వానికి కొత్త తలనొప్పులే కాదు.. అనవసరమైన విమర్శల్ని ఎదుర్కోవాల్సి ఉంటుంది. కొందరి అత్యుత్సాహం ప్రభుత్వాధినేత ఇమేజ్ ను సైతం డ్యామేజ్ చేస్తుంది. తాజాగా అలాంటి ఉదంతమే ఏపీలో చోటు చేసుకుంది.

సాధారణంగా కారు నెంబరు అంకెల్లో ఉంటుంది. ఈ విషయాన్ని చిన్న పిల్లాడ్ని అడిగినా చెబుతారు. కానీ.. పదాల్లో.. పేర్లలో ఉన్న కార్ నెంబరు ప్లేట్ ను ఎప్పుడైనా చూశారా? తాజాగా ఏపీలోని తూర్పు గోదావరి జిల్లా పి.గన్నవరం ఎమ్మెల్యే కొండేటి చిట్టిబాబు జర్నీ చేసిన కారు నెంబరు స్థానంలో రాయించిన అక్షరాలు ఇప్పుడు హాట్ టాపిక్ గా మారాయి.

నెంబరు ప్లేట్ లో ఉండాల్సిన అంకెల్ని పక్కన పెట్టేసి.. ‘‘AP CM JAGAN’’ (ఏపీ సీఎం జగన్) పేరుతో నెంబరు ప్లేట్ పెట్టేశారు. అంబాజీపేటలో జరిగిన ఒక కార్యక్రమానికి వచ్చిన ఎమ్మెల్యే చిట్టిబాబు ప్రయాణించిన కారు నెంబరు ప్లేట్ స్థానంలో ఉన్న అక్షరాలుఅందరిని ఆకర్షిస్తోంది.

ఇంతకీ.. ఆయనదేనా ఈ కారు? ఇంకెవరిదైనా? అన్న విషయం మీద క్లారిటీ రాలేదు. ఏమైనా.. ఇలాంటి సిత్రాలు ఏపీలోనే సాధ్యమేమో?

OTT Streaming Dates on Amazon Prime, Netflix & Others