Gulte Telugu Telugu Political and Movie News Updates
ఇంటికెళ్లిపోతానంటూ గత వారం ‘బిగ్‍బాస్‍’ని వేడుకున్న గంగవ్వకు డాక్టర్లు ఏమి మందులిచ్చారో తెలియదు కానీ అప్పట్నుంచీ యమా ఎనర్జీతో ఆటాడేస్తోంది. శని, ఆదివారం ఎపిసోడ్లలో నాగార్జున ఎదుట కూడా అదే పనిగా లొడలొడా మాట్లాడుతూనే వుంది. హౌస్‍లోని వాళ్లంతా సేఫ్‍ గేమ్‍ ఆడుతూ తనను హీరో అంటూ సింహాసనంపై కూర్చోబెట్టారు.
ఇక ఈవారం ఆమెను ఫిజికల్‍ టాస్క్లో కూడా ఇన్‍వాల్వ్ చేస్తే ‘నాకెందుకు వచ్చిందిలే’ అంటూ ఒక మూలన కూర్చోకుండా తనవంతు గేమ్‍ ఆడేసింది. దివిని రోబోలు కిడ్నాప్‍ చేయడానికి గంగవ్వ నటన కారణమయింది. ఇక తన రోబో సూట్‍ని మోనాల్‍ లాక్కుని పోతే అది తెచ్చుకోవడమే కాకుండా… నాది పట్టుకుపోతావా అంటూ కుర్చీ ఎత్తి ఆమెపై విసిరేసింది. అవ్వకు దెబ్బలు తగులుతాయేమోనని ఆమెతో జాగ్రత్తగా వుంటూ వుంటే తాను మాత్రం కయ్యాలకు కూడా కాలు దువ్వేస్తోంది.
ఈ వారానికి ఆమెను కెప్టెన్‍గా కూడా ఎన్నుకున్నారట బిగ్‍బాస్‍ హౌస్‍మేట్స్. అభిజీత్‍ మరోసారి కెప్టెన్‍ అయ్యే ఛాన్స్ వదిలేసుకుని గంగవ్వకు కెప్టెన్సీ ఇచ్చాడు. ఈవారం నామినేషన్లలో ఆమెను ఎలాగో నిలబెట్టలేదు. వచ్చే వారం ఆమెను నామినేట్‍ చేయడానికి లేదు. కనుక గంగవ్వ మరో రెండు వారాల పాటయితే హ్యాపీగా హౌస్‍లో వుంటుంది. ఇక ఈరోజు ఎపిసోడ్‍లో స్వాతి దీక్షిత్‍ అనే నటి వైల్డ్ కార్డ్ గా హౌస్‍లోకి అడుగు పెడుతోంది.
