Gulte Telugu Telugu Political and Movie News Updates
నాగ చైతన్య ‘లవ్‍స్టోరీ’ షూటింగ్‍ చాలా భాగం పూర్తి కావాల్సి వుంది. అందుకే అందరికంటే ముందుగా షూటింగ్‍ మొదలు పెట్టేసి చకచకా షూటింగ్‍ కానిచ్చేస్తున్నారు. శేఖర్‍ కమ్ముల మామూలుగా టార్గెట్స్ అవీ పెట్టుకోడు కానీ ఈసారి మాత్రం సంక్రాంతి రిలీజ్‍ టార్గెట్‍గా ఈ చిత్రం షూటింగ్‍ పూర్తి చేస్తున్నాడట.
నటీనటులు కాకుండా కేవలం పన్నెండు మంది క్రూతో శేఖర్‍ షూటింగ్‍ చేస్తున్నాడు. ఇందుకోసం ఛీఫ్‍ టెక్నీషియన్లపై కూడా అదనపు భారం పడినా కానీ ఎవరూ కాదనకుండా షూటింగ్‍ చేసేస్తున్నారు. ఈ సినిమా స్పీడుగానే పూర్తయిపోతుందని, తప్పకుండా సంక్రాంతి నాటికి రిలీజ్‍కి సిద్ధమయిపోతుందనీ చెబుతున్నారు. ఈ సినిమాను ఫలానా టైమ్‍కి విడుదల చేస్తామని ప్రకటించలేదు కానీ టార్గెట్‍ అయితే సంక్రాంతే అంటున్నారు. మరి నాగచైతన్య సినిమా సంక్రాంతికి వస్తే ఆల్రెడీ సంక్రాంతి రిలీజ్‍ అంటూ ప్రకటించేసిన అఖిల్‍ సినిమా సంగతేంటి? ‘మోస్ట్ ఎలిజిబుల్‍ బ్యాచ్‍లర్‍’ కూడా ప్రస్తుతానికి సంక్రాంతి రేసులో వుంది.
ఒకే టైమ్‍లో అన్నదమ్ముల సినిమాలు విడుదల చేస్తే ఫాన్స్ కూడా ఏ సినిమాకి ప్రిఫరెన్స్ ఇవ్వాలో తెలియక ఇబ్బంది పడతారు. నాగచైతన్య సినిమా బడ్జెట్‍ ఎక్కువ కనుక అతనికి సంక్రాంతి బెస్ట్ ఆప్షన్‍. మరి అన్నయ్య కోసమని అఖిల్‍ వెనక్కి వెళతాడా? లేదా ఈసారి అన్నదమ్ములిద్దరూ కలిసి పండక్కి సందడి చేస్తారా?
