రోహిత్‍ లుక్కు సూపరు.. మరేంటి ‘పుష్ప’ మేటరు?

వరుస ఫ్లాపులు రావడంతో పాటు తన సినిమాలకు కనీసం వసూళ్లు కూడా రావడం లేదని గ్రహించిన పిమ్మట నారా రోహిత్‍ రెండేళ్ల పాటు అసలు సినిమాలే చేయలేదు. ఈ సమయంలో బరువు తగ్గించి స్లిమ్‍ అయిన రోహిత్‍ ఇప్పుడు కొత్త లుక్‍తో దర్శనమిస్తున్నాడు. ఫుల్లుగా గడ్డం పెంచి తన న్యూ లుక్‍ని ట్విట్టర్‍ ప్రొఫైల్‍ పిక్‍గా పెట్టాడు. దీంతో రోహిత్‍ మళ్లీ నటించడానికి రెడీ అయిపోయాడని అతనంటే ఇష్టపడే వాళ్లు ఆనందంగా స్పందిస్తున్నారు.

రోహిత్‍ లుక్‍ కంటే ముందుగా అల్లు అర్జున్‍ – సుకుమార్‍ల ‘పుష్ప’ సినిమాలో విలన్‍గా నటించబోతున్నాడనే న్యూస్‍ హల్‍చల్‍ చేసింది. కానీ దాని గురించి రోహిత్‍ ఇంతవరకు స్పందించలేదు. కానీ రోహిత్‍ కొత్త లుక్‍ చూసిన తర్వాత ‘పుష్ప’లో క్యారెక్టర్‍ ఇతను చేస్తే బాగుంటుందని మాట్లాడుకుంటున్నారు. ఇంకా హీరోగానే కొనసాగాలనే ఆలోచనతోనే రోహిత్‍ ఇంత బ్రేక్‍ తీసుకున్నాడు.

తీరా ఇంత గ్యాప్‍ తర్వాత విలన్‍ వేషమేస్తే ఇక తనను అలాంటి పాత్రలకు ఫిక్స్ చేసేస్తారేమో అనే ఆందోళన వుండొచ్చు. గోపిచంద్‍ హీరోగా నటించిన తర్వాత విలన్‍ వేషాలేసి పెద్ద మాస్‍ హీరోగా మారిపోయిన సంగతి రోహిత్‍ మరచిపోకూడదు.

All the Streaming/OTT Updates you ever want. In One Place!