Gulte Telugu Telugu Political and Movie News Updates
అఖండ నుంచి దర్శకుల ఎంపికలో చాలా జాగ్రత్తగా ఉంటున్న బాలకృష్ణ దానికి తగ్గట్టే వరస బ్లాక్ బస్టర్లు ఖాతాలో వేసుకుంటున్నారు. తాజాగా భగవంత్ కేసరి కూడా అంచనాలకు మించి ఆడటంతో నెక్స్ట్ బాబీతో చేయబోయే సినిమా అంచనాలు షూటింగ్ మొదలు కాకుండానే పెరిగిపోయాయి. వచ్చే నెల రెండో వారం నుంచి చిత్రీకరణ ప్రారంభం కాబోతున్నట్టు సమాచారం. ఇది ఎన్బికె 109. ఆ తర్వాత ఎవరితో చేస్తారనే క్లారిటీ ఇంకా రాకపోయినా కీలకమైన కొన్ని ప్రోజెక్టులకు రంగం సిద్ధం చేస్తున్నట్టు ఇన్ సైడ్ టాక్. ఇంకో మూడేళ్ళ దాకా డైరీ బిజీగా ఉండేలా బాలయ్య ప్లాన్ చేసుకున్నట్టు వినికిడి.
వాటిలో 110వ సినిమాకు బోయపాటి శీను ఆల్మోస్ట్ లాక్ అయినట్టు తెలిసింది. అది అఖండ 2 అయ్యే అవకాశాలు ఎక్కువగా ఉన్నాయి. అఘోర పాత్రను కొనసాగించడంతో పాటు పొలిటికల్ టచ్ వచ్చేలా ఒక కథను గతంలోనే అనుకున్నారట. ఇప్పుడేమైనా కీలక మార్పులు ఉంటాయేమో చూడాలి. 111 మూవీకి మళ్ళీ వీరసింహారెడ్డి కాంబినేషన్ ని రిపీట్ చేయబోతున్నారట. గోపిచంద్ మలినేని ప్రస్తుతం రవితేజతో చేస్తున్న చిత్రం పూర్తి కాగానే ఒక స్టోరీ వినిపించబోతున్నట్టు సెపరేట్ లీక్. వీళ్ళు కాకుండా కుదిరితే సుకుమార్ తోనూ చేయాలని బాలయ్య చూస్తున్నారట కానీ బాగా టైం పట్టొచ్చు.
మరి ఆదిత్య 999 సంగతేంటని డౌట్ రావొచ్చుగా. కేవలం ఐడియా వరకు మాత్రమే బాలయ్య దగ్గర ఉంది కానీ దానికి సరైన దర్శకుడు, టీమ్ దొరికాక మాత్రమే స్క్రిప్ట్ పనులు మొదలవుతాయి. స్వంత డైరెక్షన్ లో చేయాలని బాలయ్య అనుకున్నా ఇంకా నిర్ధారణగా నిశ్చయించుకోలేదు. సాయిమాధవ్ బుర్రాతో మంతనాలు జరుగుతున్నాయట. మోక్షజ్ఞ ఎంట్రీకి సంబంధించిన సినిమాని సైతం ఇంకా ఫైనల్ చేయాల్సి ఉంది. కేసరి ప్రమోషన్ ఇంటర్వ్యూలలో వచ్చే ఏడాదే మొదలవుతుందని అన్నారు కానీ క్లాప్ కొట్టే దాకా చెప్పలేం. మొత్తానికి పవర్ ఫుల్ లైనప్ తో బాలకృష్ణ జోరు మాములుగా లేదు.
