Gulte Telugu Telugu Political and Movie News Updates
విజయ్ దేవరకొండ , సమంత లతో శివ నిర్వాణ తీసిన ‘ఖుషి’ సెప్టెంబర్ 1న రిలీజ్ అవుతుంది. ఇప్పటికే టీజర్ , ట్రైలర్ బజ్ తీసుకొచ్చాయి. హీషమ్ సాంగ్స్ సినిమాకు మంచి హైప్ తెచ్చాయి. ప్రస్తుతం విజయ్ ఈ సినిమాను పాన్ ఇండియా లెవెల్ లో ప్రమోట్ చేసే పనిలో ఉన్నాడు. వివిధ ప్రదేశాలు తిరుగుతూ సినిమాను ప్రమోట్ చేస్తున్నాడు. అయితే ట్రైలర్ రాక ముందే ఈ సినిమా కథపై అనేక సందేహాలున్నాయి. ఎప్పుడైతే ట్రైలర్ వచ్చిందో అక్కడి నుండి ఈ సినిమాను ఆల్రెడీ వచ్చిన సినిమాలతో పొలుస్తూ కామెంట్స్ చేయడం మొదలు పెట్టారు నెటిజన్లు.
ఖుషిలో శివ నిర్వాణ చెప్తుంది కొత్త కథ అయితే కాదు. ఈ మధ్యే వచ్చిన నాని ‘అంటే సుందరనికీ’ అలాగే నాగ శౌర్య ‘కృష్ణ వ్రింద విహరి’ తో ‘ఖుషి’ కి పోలికలు కనిపిస్తున్నాయి. ఈ రెండు సినిమాళ్లో మతాంతర వివాహం కామన్ పాయింట్, ఇక బ్రాహ్మణ అబ్బాయి పెళ్లి తర్వాత ఆ అమ్మాయితో పడే ఇబ్బందులన్నే ‘కృష్ణ వ్రింద విహరి’ లో చూపించారు.
బ్రాహ్మణ కుటుంబం , పెళ్లి తర్వాత సమస్యలు మూడింటిలో కామన్. కాకపోతే అందులో హీరో బ్రాహ్మణ అబ్బాయిలా కనిపిస్తే, ఇందులో హీరోయిన్ బ్రాహ్మిన్ గా కనిపిస్తుంది అంతే తేడా. ఏదేమైనా నాని , నాగ శౌర్య నటించిన ఆ రెండు సినిమాలు డిజాస్టర్స్ అనిపించుకున్నాయి. మరి కథ పరంగా అదే కోవలో కొచ్చే ఖుషి అక్కడ నెగ్గుతుందో లేదో వేచి చూడాలి. లైగర్ తో పాన్ ఇండియా డిజాస్టర్ అందుకున్న విజయ్ కి ఈ సినిమా సక్సెస్ చాలా ముఖ్యం. అలాగే టక్ జగదీష్ తో బాగా నిరాశ పరిచిన దర్శకుడు శివను కూడా ఈ సినిమా సక్సెస్ ఖుషి చేయాల్సి ఉంది.
