‘గుంటూరు కారం’ .. తమన్ రియాక్షన్ 

మహేష్ బాబు , త్రివిక్రమ్ కాంబినేషన్ లో తెరకెక్కుతున్న ‘గుంటూరు కారం’ పై రకరకాల పుకార్లు చక్కర్లు కొడుతున్నాయి. ఈ సినిమా నుండి తమన్ అవుట్ అనే వార్త కూడా ఈ మధ్య గట్టిగా వినిపించింది. అయితే దాని గురించి సోషల్ మీడియాలో ఓ పోస్ట్ ద్వారా సెటైర్ వేస్తూ ఇన్ డైరెక్ట్ గా రియాక్ట్ అయ్యాడు తమన్. తాజాగా బ్రో సినిమా ప్రమోషన్స్ లో డైరెక్ట్ గా గుంటూరు కారం గురించి మాట్లాడాడు.

సినిమా నుండి నన్ను తీసేస్తే ప్రొడ్యూసర్ చెప్తారు కదా,  అంతా బాగానే ఉంది. కానీ ఏవేవో రాస్తున్నారు. అందరూ ఆ సినిమా మీదే పడ్డారెందుకో అర్థం కావట్లేదు అంటూ తమన్ రియాక్ట్ అయ్యాడు. ఇక క్రికెట్ మీద ఫోకస్ తో సాంగ్స్ టైమ్ కి ఇవ్వడం లేదనే ప్రశ్న కూడా తమన్ కి ఎదురైంది. అలాంటిదేం లేదని తమన్ చెప్పుకున్నాడు. తనకి గర్ల్ ఫ్రెండ్స్ లేరు , ఎలాంటి ఇతర వ్యాసనాలు లేవని , కేవలం క్రికెట్ ఒక్కటే తనకి ఎమోషన్ అంటూ తెలిపాడు.

అది కూడా రాత్రి వేళ రిలాక్స్ కోసం స్ట్రెస్ రిలీఫ్ కోసం ఆడుతానని అన్నాడు. పని పక్కన పెట్టేసి క్రికెట్ ఆడటం లేదని చెప్పాడు. తాజాగా రిలీజయిన బ్రో లో మై డియర్ మార్కండేయ సాంగ్ రెస్పాన్స్ గురించి చెప్తూ తనకి మిక్స్డ్ రెస్పాన్స్ వస్తుందని చెప్పాడు. సినిమాలో మరో మూడు సాంగ్స్ ఉంటాయని , అలాగే ప్రమోషనల్ సాంగ్ ఉంటుందని , వారానికి ఒక సాంగ్ చొప్పున రిలీజ్ చేస్తామని తమకి టైమ్ లేదని తెలిపాడు.