Gulte Telugu Telugu Political and Movie News Updates
సెల‌బ్రెటీల్లో చాలామంది రెండో పెళ్లి చేసుకున్న వాళ్లే కానీ.. పెళ్లిళ్ల‌లో అంత‌కుమించి నంబ‌ర్ పెరిగితే మాత్రం కౌంట‌ర్లు త‌ప్ప‌వు. ప‌వ‌ర్ స్టార్ ప‌వ‌న్ క‌ళ్యాణ్ కూడా ఈ విష‌యంలో త‌ర‌చుగా రాజ‌కీయ ప్ర‌త్య‌ర్థుల నుంచి విమ‌ర్శ‌లు, వ్యంగ్యాస్త్రాలు ఎదుర్కొంటూ ఉంటారు. ఇది పూర్తిగా వ్య‌క్తిగ‌త విష‌యం అయినా స‌రే.. ప‌బ్లిక్ ఫిగ‌ర్ల మీద కౌంట‌ర్లు ప‌డుతుంటాయి.
ఐతే తాజాగా ఓ సీనియ‌ర్ న‌టుడిని ఇంకో సీనియ‌ర్ ఒక వేదిక మీద నిత్య పెళ్లికొడుకు అనేయ‌డం.. ఆ వ్య‌క్తి దాన్ని చాలా స‌ర‌దాగా తీసుకోవ‌డం విశేషం. ఇక్క‌డ కౌంట‌ర్ వేసింది రాజేంద్ర ప్ర‌సాద్ కాగా.. వేయించుకున్న‌ది నరేష్. వీళ్లిద్ద‌రూ క‌లిసి న‌టించిన అన్నీ మంచి శ‌కున‌ములే సినిమాకు సంబంధించి ఒక ప్ర‌మోష‌న‌ల్ ఈవెంట్లో ఈ చిత్రం చోటు చేసుకుంది. ఈ ఈవెంట్‌కు పంచెక‌ట్టులో పెళ్లికొడుకు లాగే త‌యారై వ‌చ్చాడు నరేష్.
ఆయ‌న ఇటీవ‌లే ప‌విత్ర న‌రేష్‌ను పెళ్లాడిన వీడియోను త‌నే ట్విట్ట‌ర్లో షేర్ చేశాడు. ఇది నిజం పెళ్లా.. సినిమా పెళ్లా అనే విష‌యంలో కొంత సందిగ్ధ‌త కూడా న‌డిచింది. ఆ విష‌యం ప‌క్క‌న పెడితే న‌రేష్‌కు ఇంత‌కుముందే మూడు పెళ్లిళ్ల‌య్యాయి. ఇది నాలుగో పెళ్లి. ఈ సంగ‌తిలా ఉంచితే.. అన్నీ మంచి శ‌కున‌ములే ఈవెంట్లో రాజేంద్ర ప్ర‌సాద్‌కు ఒక ఆస‌క్తిక‌ర ప్ర‌శ్న ఎదురైంది.
రెండు క‌త్తులు ఒక ఒర‌లో ఇమ‌డ‌వంటారు.. కానీ మీరు, నరేష్ క‌లిసి ఈ సినిమాలో న‌టించారు.. దీనిపై మీరేమంటారు అని అడ‌గ్గా.. ”నేను క‌త్తి కాదు. నరేష్ క‌త్తి. నేను ఒర. వాడు మామూలోడు కాదు. మీ అంద‌రికీ తెలుసు. ఆ రేంజ్ క‌త‌త్ఇ. మేం కాదు.. చూశారా.. ఎప్పుడూ పెళ్లి కొడుకు లాగానే ఉంటాడు” అంటూ నరేష్ వైపు చూపిస్తూ న‌వ్వాడు రాజేంద్ర ప్ర‌సాద్. దీనికి నరేష్ స్పందిస్తూ.. పెళ్లికొడుకులా ఉండ‌టం ఏంటి, పెళ్లికొడుకునే అన‌డంతో ఆ ప్రాంగ‌ణం న‌వ్వుల్లో మునిగిపోయింది.
