‘పుష్ప 2′ ప్లేస్ లో ’18 పేజేస్’

అల్లు అర్జున్ , సుకుమార్ కాంబినేషన్ లో వచ్చిన ‘పుష్ప 1’ తెలుగు రాష్ట్రాల్లో ఓ మోస్తరుగా పెర్ఫార్మ్ చేసినప్పటికీ నార్త్ లో బిగ్గెస్ట్ హిట్ అందుకుంది. ముఖ్యంగా పుష్ప మేనరిజం నార్త్ లో బాగా క్లిక్ అయింది. దీంతో పుష్ప 2 పై అక్కడ కూడా భారీ అంచనాలు ఏర్పడ్డాయి. అందుకే పుష్ప 2 ని భారీ లెవెల్ లో ప్రమోట్ చేసే ప్లానింగ్ రెడీ చేసుకున్నారు మేకర్స్. ఇప్పటి వరకూ షూటింగ్ అప్ డేట్ కూడా ఇవ్వకుండా దాచి ఉంచిన యూనిట్ త్వరలోనే ఓ గ్లిమ్స్ ద్వారా పుష్ప 2 ఎలా ఉండబోతుందో విజువల్ గా చెప్పాలని భావిస్తున్నారు. ఫ్యాన్స్ ను అలాగే వరల్డ్ వైడ్ మూవీ లవర్స్ ను మెస్మరైజ్ చేయాలని చూస్తున్నారు. ఇప్పటికే ఓ పవర్ ఫుల్ డైలాగ్ తో అదిరిపోయే విజువల్స్ తో షూట్ చేసిన భాగాన్ని గ్లిమ్స్ గా మార్చే వర్క్ జరుగుతుంది.

పుష్ప 2 గ్లిమ్స్ ను అవతార్ 2 సినిమాతో జత చేయాలని ప్లాన్ చేశారు. ఈ దెబ్బతో పాన్ ఇండియా లెవెల్ లో పుష్ప ది రూల్ భారీ బజ్ అందుకోవడం ఖాయమని అనుకున్నారు. కానీ ఇప్పుడు మేకర్స్ ఈ గ్లిమ్స్ కోసం ఇంకా టైం తీసుకోనున్నారని తెలుస్తుంది. ప్రస్తుతం ఇంకా వర్క్ పెండింగ్ ఉండటంతో గ్లిమ్స్ ను పోస్ట్ పోన్ చేసుకొని న్యూ ఇయర్ కి న్యూ ట్రీట్ ఇవ్వాలని చూస్తున్నారని సమాచారం.

అవతార్ 2 సినిమాకు పుష్ప 2 గ్లిమ్స్ జత చేయడం లేదని తెలియగానే గీతా ఆర్ట్స్ సంస్థ ముందడుగేసింది. పుష్ప 2 టీజర్ కి బదులు 18 పేజేస్ ట్రైలర్ ని జత చేసే ప్లానింగ్ రెడీ చేసుకున్నారు. సో బన్నీ సినిమా గ్లిమ్స్ రాకపోయినా బన్నీ సొంత ప్రొడక్షన్ సినిమా ట్రైలర్ అవతార్ తో రాబోతుందన్నమాట. ఏదేమైనా అవతార్ 2 క్రేజ్ ను నిఖిల్ అండ్ టీం తమ సినిమాకి పర్ఫెక్ట్ గా వాడుకోబోతున్నారు.