స్టైలిష్ లుక్కులో శాస్త్రి గారు!

పాటల రచయితగా ఒక ట్రెండ్ సెట్ చేసిన రామజోగయ్య శాస్త్రి గురించి ఇప్పుడిప్పుడే బాహ్య ప్రపంచానికి తెలుస్తోంది. తెలుగు భాష ఇప్పటికి కూడా ఇలాంటి కవుల వలనే బ్రతికి ఉంటుందని ఇండస్ట్రీలో అగ్ర దర్శకులు మాట్లాడుకుంటూ ఉంటారు. అయితే ఇండస్ట్రీలో శాస్త్రి గారిని అందరూ రామ్ జో అని స్టైల్ గా పిలుస్తూ ఉంటారు.

ఇక ఆయన సోషల్ మీడియాలో ఇటీవల ఇంగ్లీష్ లుక్ లో కనిపించారు. నున్నని గుండుతో సూటు వేసుకొని ఆయన ఇచ్చిన స్టిల్ లోనే ఇంగ్లీష్ స్టైల్ హైలెట్ అవుతోంది. ఇంగ్లీష్ మీడియం చదువులు చదివినప్పటికి, దేశ విదేశాల తిరిగినప్పటికి కూడా రామజోగయ్య శాస్త్రి తెలుగు పదాలకు ఎప్పటికప్పుడు సరికొత్తగా పాటల రూపంలో ప్రాణం పోస్తూ ఉన్నారు.