చనిపోయి హీరో అయ్యాడు!

సుశాంత్ సింగ్ రాజ్ పుత్ ఇప్పుడు బ్రతికున్నట్టయితే అతని సినిమా దిల్ బేచారా ట్రైలర్ ని ఎంత మంది చూసేవాళ్ళో, అసలు ఆ సినిమా ఒకటి వస్తుందని ఎంతమంది పట్టించుకునేవాళ్ళో కానీ… ఆత్మహత్య చేసుకున్న తర్వాత పబ్లిక్ సింపతీ చూరగొన్న సుశాంత్ కొత్త సినిమా ట్రైలర్ ని జనం ఎగబడి చూస్తున్నారు.

ఒక్కరోజులోనే దాదాపు మూడు కోట్ల యాభై లక్షల వ్యూస్ రాబట్టిన ఆ ట్రైలర్ కి డెబ్భై లక్షల వరకు లైక్స్ కూడా వచ్చాయి. బాలీవుడ్ టాప్ హీరోలకు మాత్రమే ఇలాంటి స్పందన లభిస్తుంది.

సుశాంత్ పట్ల జనంలో ఎంత సానుభూతి ఉందనేది దీన్ని బట్టి స్పష్టమవుతోంది. ఈ సినిమా రిలీజ్ అయ్యాక కూడా యిలాగే చూస్తారని డిస్నీ హాట్ స్టార్ ఆశిస్తోంది. ఈ చిత్రాన్ని కేవలం సుబ్స్క్రైబర్స్ కి మాత్రమే కాకుండా ఫ్రీగా వీక్షించేందుకు హాట్ స్టార్ ఈ నెల 24 నుంచి స్ట్రీమ్ చేస్తుంది.

ఫ్రీ కనుక ఈ చిత్రాన్ని మాములుగా కంటే పెద్ద సంఖ్యలో చూసే అవకాశం ఉంది. సింపతీ ఉంటుంది కనుక ఈ సినిమాకు నెగెటివ్ ఫీడ్బ్యాక్ కూడా వచ్చే అవకాశం తక్కువే కనుక దిల్ బేచారా ఓటిటి రికార్డుల లాంటివి సాధించినా ఆశ్చర్యం లేదు.