Gulte Telugu
కొన్నేళ్ళ క్రితం సూపర్ హిట్స్ డెలివరీ చేసిన దర్శకుల్లో సీనియర్ డైరెక్టర్ కే. విజయ్ భాస్కర్ ఒకరు. స్వయం వరం, నువ్వే కావాలి , నువ్వు నాకు నచ్చావ్ , మన్మథుడు, మల్లీశ్వరి ఇలా ఆయన తీసిన సూపర్ హిట్ ఇప్పటికీ ఆడియన్స్ ఫ్రెష్ ఫీల్ కలిగిస్తుంటాయి. అయితే కొన్నేళ్లుగా విజయ్ భాస్కర్ ఇండస్ట్రీకి దూరంగా ఉంటున్నారు. ఈ మధ్య ఎక్కడా పెద్దగా కనిపించడం లేదు. మన్మథుడు 2 ప్రీ రిలీజ్ ఈవెంట్ లో మాత్రమే మెరిశారు. ఇక విజయ్ భాస్కర్ సినిమాలకు దూరం అని అందరూ అనుకున్నారు.
కానీ ఆయన ఇప్పుడు మళ్ళీ మెగా ఫోన్ పట్టి సినిమా చేసేందుకు రెడీ అవుతున్నాడు. యూత్ ఫుల్ కథ ఒకటి రెడీ చేసుకొని నిర్మాతలను సెట్ చేసుకున్నారు. తాజాగా పూజా కార్యక్రమాలతో ఆఫీస్ ఓపెన్ చేశారు. దసరా రోజు ఈ ప్రాజెక్ట్ ను లాంచ్ చేయబోతున్నారు. హీరో హీరోయిన్స్ ఎవరనేది చెప్పలేదు కానీ కొత్తవాళ్లతోనే ఆయన సినిమా తీసే ఆలోచనలో ఉన్నారని తెలుస్తుంది. ఈ సినిమాతో ఆయన తనయుడు కమల్ ని హీరోగా లాంచ్ చేసే అవకాశం ఉందనే టాక్ వినిపిస్తుంది.
నిజానికి విజయ్ భాస్కర్ – త్రివిక్రమ్ కాంబో అల్టిమేట్. విజయ్ భాస్కర్ నుండి రైటర్ గా త్రివిక్రమ్ బయటికి వచ్చేసి దర్శకుడయ్యాక విజయ్ భాస్కర్ సక్సెస్ అందుకోలేక సినిమాలు దూరమయ్యారు. మళ్ళీ ఇన్నాళ్ళకి ఓ కథ తయారు చేసుకొని ప్రేక్షకుల ముందుకొస్తున్నాడు. మరి ఈ ప్రాజెక్ట్ తో సీనియర్ డైరెక్టర్ మంచి కం బ్యాక్ ఇస్తాడా ? లేదా మిగతా సీనియర్ దర్శకుల్లాగే డిజాస్టర్ డెలివరీ చేసి పక్కకి తప్పుకుంటారా ? చూడాలి.
