నెట్ ఫ్లిక్స్ నవరత్నాలు – పోటీకి సవాళ్లు

థియేటర్లకు ధీటుగా ఇంకా చెప్పాలంటే వాటి కంటెంట్ కంటే ఇంకా బెటర్ గా సినిమాలు, వెబ్ సిరీస్ లు ఇచ్చేందుకు ఓటిటి సంస్థలు వేస్తున్న ప్లాన్లు అన్నీ ఇన్నీ కావు. బడ్జెట్ విషయంలో కాంప్రోమైజ్ లేకుండా మార్కెట్ ని వీలైనంత కబ్జా చేసేందుకు పక్కా ప్రణాళికతో ముందుకు వెళ్తున్నాయి. అమెజాన్ ప్రైమ్, డిస్నీ హాట్ స్టార్ తో పోలిస్తే ఇండియాలో వెనుకబడి ఉన్న నెట్ ఫ్లిక్స్ నార్త్ ఆడియన్స్ ని టార్గెట్ చేసుకుని భారీ స్టార్ క్యాస్టింగ్ తో ప్యాన్ ఇండియా మూవీస్ ని రెడీ చేస్తోంది. డివిడి రెంటల్ సర్వీస్ గా మొదలైన నెట్ ఫ్లిక్స్ ఇటీవలే తన 50వ వార్షికోత్సవాన్ని ఘనంగా జరుపుకుంది.

ఈ సందర్భంగా ప్రకటించిన టైటిల్స్ వ్యూయర్స్ ని ఆశ్చర్యానికి గురి చేశాయి. ఓసారి వాటి వరస చూస్తే 1984లో జరిగిన యాంటీ సిక్ ఉద్యమం నేపధ్యంగా తీసుకుని రూపొందిన ‘జోగి’ ఈ నెల 16న రానుంది. అలీ అబ్బాస్ జాఫర్ దర్శకత్వం వహించడం ఆసక్తిని పెంచుతోంది. రాధికా ఆప్టే ప్రధాన పాత్రలో రూపొందిన ‘మోనికా మై డార్లింగ్’ షూటింగ్ ఇటీవలే పూర్తి చేశారు. మిస్టరీ బ్యాక్ డ్రాప్ లో టబు ప్రధాన పాత్రలో విశాల్ భరద్వాజ్ డైరెక్షన్ చేసిన ‘ఖుఫియా’ మీద అంచనాలు బాగున్నాయి. 1930నాటి పీరియడ్ డ్రామా ‘ఖల’ మిస్టరీ బ్యాక్ డ్రాప్ లో వస్తోంది.

జోయా అక్తర్ రూపొందించిన ‘ది ఆర్చీస్’ ద్వారా స్టార్ వారసులు సుహానా ఖాన్(షారుఖ్ కొడుకు), ఖుషి కపూర్(శ్రీదేవి కూతురు), అగస్త్య నంద(అమితాబ్ మనవడు)తెరకు పరిచయం కాబోతున్నారు. సాన్య మల్హోత్రా ప్రధాన పాత్ర పోషించిన ‘కతల్’ మీద హైప్ బాగానే ఉంది. చాలా గ్యాప్ తర్వాత హీరోయిన్ అనుష్క శర్మ(విరాట్ కోహ్లీ శ్రీమతి)క్రికెటర్ గా నటించిన ‘చక్ దా ఎక్స్ ప్రెస్’ మీద బజ్ తక్కువేమీ లేదు. తమన్నా ‘ప్లాన్ ఏ ప్లాన్ బి’ ప్రమోషన్లు ఇప్పటికే ఆసక్తి రేపుతున్నాయి. హైజాక్ నేపథ్యంలో రూపొందిన ‘చోర్ నికల్ కె భాగా’లో యామీ గౌతమ్, సన్నీ కౌశల్ తదితరులు ఉన్నారు. మొత్తానికి నెట్ ఫ్లిక్స్ వరస చూస్తుంటే వందల కోట్లను మంచి నీళ్లలా ఖర్చుపెట్టేందుకు వెనుకాడటం లేదు.