Gulte Telugu Telugu Political and Movie News Updates
టాలీవుడ్ లో కొన్ని కథలు ముందుగా వేరే హీరోల దగ్గరికి వెళ్లి ఫైనల్ గా ఓ హీరో చేతిలో పడతాయి. అలా హీరోలు మారిన వాళ్ళు రిజక్ట్ చేసి ఇంకో హీరో దగ్గరికి వెళ్ళిన సినేమలెన్నో ఉన్నాయి. తాజాగా రామరావు ఆన్ డ్యూటీ విషయంలోనూ అదే జరిగింది.
ఈ కథతో కొన్నేళ్లుగా ట్రావెల్ చేస్తున్న దర్శకుడు శరత్ మండవ ఈ స్క్రిప్ట్ ను ముందుగా నాగార్జున కి చెప్పాడు. కామాక్షి మూవీ అధినేత , నిర్మాత శివ ప్రసాద్ రెడ్డి ద్వారా నాగ్ ని అప్రోచ్ అయి కథ వినిపించాడు శరత్. ఈ విషయాన్ని ఇటివలే ఓ ఇంటర్వ్యూలో తనే చెప్పుకున్నాడు కూడా.
అయితే నాగార్జున అప్పుడు వరుస సినిమాలతో బిజీగా ఉన్నాడని , పైగా ఫ్లాష్ బ్యాక్ ఎపిసోడ్ ఉంది… ఎవరైనా యంగ్ గా కనిపించే హీరో అయితే బెటర్ అని సజిస్ట్ చేశాడని తన వర్షన్ చెప్పుకున్నాడు. అయితే దీని బ్యాకెండ్ స్టోరీ ఏంటంటే నాగ్ ఈ కథను రిజెక్ట్ చేశాడట.
కేరెక్టర్ బాగుంది కానీ మాజీ ప్రేయసి కోసం తను ఓ కేసు చేధించడం లేదని సుముకంగానే చెప్పేశాడట. ఇక చేసేదేం లేక అప్పటి నుండి హీరో కోసం చూస్తూ ఫైనల్ గా ఈ కథను రవితేజ దగ్గరికి తీసుకెళ్ళి తన స్నేహితుడు సుధాకర్ రెడ్డి బేనర్ లో ఈ ప్రాజెక్ట్ సెట్ చేసుకున్నాడట.
తాజాగా రామారావు ఆన్ డ్యూటీ టాక్ విని నాగార్జున తన జడ్జిమెంట్ గురించి తన శ్రేయాభిలాషుల దగ్గర మాట్లాడారని భోగట్టా. ఏదేమైనా ముందుగా నాగార్జున కి ఈ కథ చెప్పానని శరత్ చెప్పింది విన్న అక్కినేని ఫ్యాన్స్ సినిమా చూసి హమ్మయ్య మా హీరోకి ఓ డిజాస్టర్ తప్పింది అనుకుంటున్నారు.
ఏదేమైనా రామారావు ఆన్ డ్యూటీ మరీ తీసి పారేసే కథ మాత్రం కాదు. శరత్ తన ఓవర్ కాన్ఫిడెన్స్ తో స్క్రీన్ ప్లే మీద ఎక్కువ ఫోకస్ పెట్టకుండా సరిగ్గా టేకాఫ్ చేయలేకపోయాడనే విమర్శలు అందుకుంటున్నాడు.
