Gulte Telugu Telugu Political and Movie News Updates
ఎప్పుడో మార్చిలో విడుదలైన ఆర్ఆర్ఆర్ తాలూకు వైబ్రేషన్స్ ఇంకా కొనసాగుతూనే ఉన్నాయి. దీనికన్నా వంద కోట్లు ఎక్కువ వసూలు చేసి పన్నెండు వందల ఫిగర్ తో టాప్ లో నిల్చున్న కెజిఎఫ్ 2ని అందరూ మర్చిపోయారు కానీ ట్రిపులార్ మాత్రం ఇంకా చర్చల్లో ఏదో రూపంలో నానుతూనే ఉంది. ,ముఖ్యంగా నెట్ ఫ్లిక్స్ లో హిందీ వెర్షన్ వచ్చాక దీని రచ్చ మాములుగా లేదు. డాక్టర్ స్ట్రేంజ్ రచయితతో మొదలుపెట్టి బడా సాఫ్ట్ వేర్ కంపెనీల సిఈఓల దాకా అందరూ పొగడ్తల వర్షంలో ముంచెత్తినవారే. తాజాగా మరో ఘనత వచ్చి చేరింది.
ఇండియన్ వెర్షన్ రిలీజైన ఏడు నెలల తర్వాత ఆర్ఆర్ఆర్ జపాన్లో ఈ అక్టోబర్ 21న విడుదల కాబోతోంది. ఇందులో విశేషమేంటి అనుకుంటున్నారా. చాలా ఉందండోయ్. ఈ సినిమా ఎంత ఆన్ లైన్లో వచ్చినా ఇప్పటిదాకా ఆ దేశవాసులు చూసే అవకాశం దక్కలేదు. ఎందుకంటే అక్కడ పైరసీ ఉండదు. అన్ని ఓటిటిలు అందుబాటులో లేవు. ఏదైనా పరభాషా చిత్రం రావాలంటే దానికి సంబంధించి బోలెడు ఫార్మాలిటీస్ ఉంటాయి. అవన్నీ పూర్తయ్యేసరికి నెలలు గడిచిపోతాయి. గతంలో బాహుబలికీ ఈ తిప్పలు తప్పలేదు.
సో జక్కన్న మేజిక్ జపాన్ లోనూ పని చేయడం ఖాయం. ఎందుకంటే అక్కడి ప్రేక్షకులు గ్రాఫిక్స్ తో పాటు ఎమోషనల్ కంటెంట్ కి పెద్ద పీఠ వేస్తారు. నచ్చితే చాలు వేల కోట్ల వసూళ్ల రూపంలో కుమ్మరిస్తారు. ఆర్ఆర్ఆర్ ఆడే అవకాశాలు పుష్కలంగా ఉన్నాయి. సో వరల్డ్ వైడ్ లెక్కలో భారీ మార్పు రాబోతోంది. ఇదంతా ఒక ఎత్తయితే చైనాలోనూ విడుదల దక్కించుకుంటే ఇప్పట్లో రాజమౌళిని ఎవరూ టచ్ చేయలేరు కూడా.
