సినిమాలు ఇంకిపోయి… ఇంకుని నమ్ముకుంది!

నిత్యా మీనన్ టాలెంటెడ్ నటి అనే దాంట్లో అనుమానాలు లేవు కానీ ఆమె అన్ని తరహా సినిమాలకు సరిపోదు. అలాగే అందరు హీరోల సరసన సూట్ కాదు. అందుకే రావాల్సినన్ని సినిమాలు రాలేదు. బహు భాషా నటి కనుక ఇంత కాలం అవకాశాలు అందిపుచ్చుకుంటూ వచ్చింది. అయితే ఇప్పుడిక అవకాశాలు తగ్గిపోయాయి. ఎలాగో లాక్ డౌన్ రావడంతో ఈ ఖాళీ టైంని నిత్య మరో పనికి వాడుకుంటోంది.

ఎప్పటినుంచో తనలో ఉన్న ఆలోచనలను పేపర్ పై పెడుతోంది. దర్శకత్వం చేయాలనేది నిత్యా మీనన్ కు ఎప్పట్నుంచో ఉన్న ఆలోచన. కథలు సిద్ధమైన తర్వాత ఆ ప్రయత్నాలు మొదలు పెట్టనుంది. నిత్యా మీనన్ డైరెక్టర్ అంటే మలయాళంతో పాటు తెలుగు, తమిళ భాషల్లో కూడా డిమాండ్ ఉంటుంది.

అలాగే ఇప్పుడు ఫండ్ చేయడానికి నెట్ ఫ్లిక్స్, అమెజాన్ కూడా ఉన్నాయి. కాబట్టి డైరెక్టర్ గా డెబ్యూ నిత్యాకు కష్టం కాబోదు. సక్సెస్ అయితే ఎలాగో వెనక్కి తిరిగి చూసుకునే పని ఉండదు. ఆల్ ది బెస్ట్ నిత్యా!