Gulte Telugu Telugu Political and Movie News Updates
బాలీవుడ్ స్టార్ అమితాబ్ బచ్చన్ మనవరాలు నవ్య నవేల తరచూ తన ప్రేమాయణాలతో వార్తల్లో నిలుస్తుంటుంది. నవ్య సినిమాలకు దూరంగా ఉన్నప్పటికీ.. ఆమెకి సంబంధించిన విషయాలు సోషల్ మీడియాలో చక్కర్లు కొడుతుంటాయి. ఇప్పటికే ఆమె బాలీవుడ్ నటుడు మీజాన్ జఫ్రీతో ప్రేమలో ఉన్నట్లు వార్తలు వచ్చాయి. దీనిపై మీజాన్ తండ్రి స్పందించారు. వారిద్దరూ మంచి స్నేహితులు మాత్రమేనని క్లారిటీ ఇచ్చారు. అలానే మీజాన్ స్వయంగా ఓ ఇంటర్వ్యూలో నవ్య తనకు స్నేహితురాలు మాత్రమేనని అన్నారు.
దీంతో ఈ పుకార్లకు ఫుల్ స్టాప్ పడింది. తాజాగా మరోసారి నవ్య ప్రేమలో ఉందంటూ వార్తలు వస్తున్నాయి. అది కూడా ఓ యంగ్ హీరోతో అన్నట్లుగా బాలీవుడ్ మీడియా కథనాలు ప్రచురిస్తోంది. ‘గల్లీబాయ్’ సినిమాతో నటుడిగా క్రేజ్ సంపాదించుకున్న సిద్ధాంత్ చతుర్వేదితో నవ్య చాలా కాలంగా ప్రేమలో ఉందని సమాచారం. ఇద్దరూ తమ రిలేషన్ ను చాలా సీరియస్ గా తీసుకున్నట్లు సన్నిహిత వర్గాల ద్వారా తెలుస్తోంది. కానీ ఈ ప్రేమకథను సీక్రెట్ గా మెయింటైన్ చేస్తున్నారు.
మరి ఈ విషయంపై నవ్య కానీ.. సిద్ధాంత్ కానీ స్పందిస్తారేమో చూడాలి. ప్రస్తుతం సిద్ధాంత్ ‘బంటీ అండ్ బబ్లీ 2’ సినిమాలో నటిస్తున్నారు. ఇక నవ్య నవేలీ సినిమాల్లోకి రాదనే విషయాన్ని పరోక్షంగా చెబుతూనే ఉంది. ఇటీవలే ఆమె బిజినెస్ లోకి ఎంటర్ అయింది. తన ఫ్యామిలీ బిజినెస్ తో పాటు విమెన్ హెల్త్ కి సంబంధించిన ఓ ఫౌండేషన్ లో మెంబర్ గా వ్యవహరిస్తోంది.
