దీపావళి రేస్.. తప్పుకున్న మెగాహీరో!

మెగాహీరో వరుణ్ తేజ్ నటిస్తోన్న లేటెస్ట్ సినిమా ‘గని’. కొత్త దర్శకుడు కిరణ్ కొర్రపాటి ఈ సినిమాతో పరిచయం కానున్నారు. అయితే ఈ సినిమా విడుదలకు సంబంధించిన ఏదొక సమస్య వస్తూనే ఉంది. మొదట జూలై 2020లో సినిమాను విడుదల చేయాలనుకున్నారు. కానీ కరోనా కానరంగా ఏడాది వాయిదా వేసి 2021, జూలై 31న సినిమాను రిలీజ్ చేయబోతున్నట్లు అనౌన్స్ చేశారు. ఈ డేట్ న కూడా సినిమా రాలేదు. రీసెంట్ గా దీపావళి బరిలో సినిమా నిలుస్తుందని చిత్రబృందం ప్రకటించింది. కానీ ఇప్పుడు దీపావళికి కూడా సినిమా రావడం లేదని సమాచారం.

బాక్సింగ్ డ్రామా నేపథ్యంలో తెరకెక్కుతోన్న ఈ సినిమాలో వరుణ్ తేజ్ బాక్సింగ్ ఛాంపియన్ గా కనిపించనున్నారు. కన్నడ స్టార్ ఉపేంద్ర, బాలీవుడ్ యాక్టర్ సునీల్ శెట్టి లాంటి నటులు ఈ సినిమాలో కీలకపాత్రలు పోషిస్తున్నారు. ఈ సినిమాతో బాలీవుడ్ బ్యూటీ సాయి మంజ్రేకర్ టాలీవుడ్ కి పరిచయం కానుంది. ఇదిలా ఉండగా.. ఈ సినిమా ఔట్ ఫుట్ విషయంలో వరుణ్ తేజ్ సంతృప్తిగా లేడని రూమర్లు వచ్చాయి. కానీ దర్శకనిర్మాతలు ఈ వార్తలకు కొట్టిపారేశారు.

ఇప్పుడు ఈ సినిమాను ఎందుకు వాయిదా వేస్తున్నారనే విషయంలో మాత్రం మేకర్లు ఎలాంటి వివరణ ఇవ్వలేదు. ఈ సినిమా కోసం వరుణ్ తేజ్ తన శరీరాకృతిని మార్చుకున్నారు. బాక్సింగ్ లో ప్రత్యేకంగా శిక్షణ కూడా తీసుకున్నారు. వైజాగ్ పరిసర ప్రాంతాల్లో సినిమాను చిత్రీకరించారు. ఈ సినిమాతో పాటు వరుణ్ తేజ్ ‘ఎఫ్3’ సినిమాలో కూడా నటిస్తున్నారు.