కొత్త డైరెక్టర్ తో అనసూయ.. హిట్ కొడుతుందా..?

టాలీవుడ్ లో హాట్ యాంకర్ గా గుర్తింపు తెచ్చుకుంది అనసూయ భరద్వాజ్. ఓ పక్క టీవీ షోలు చేస్తూనే మరోపక్క సినిమాల్లో కూడా నటిస్తుంటుంది. ‘రంగస్థలం’ సినిమాలో ఆమె పెర్ఫార్మన్స్ కి ప్రేక్షకులు ఫిదా అయిపోయారు. ఇదే జోరులో కొన్ని సినిమాలు చేసింది కానీ అవి పెద్దగా వర్కవుట్ అవ్వలేదు. అనసూయ మెయిన్ లీడ్ గా సాగిన ‘కథనం’ లాంటి సినిమాలు డిజాస్టర్ అయ్యాయి. అయినప్పటికీ అనసూయకి అవకాశాలు మాత్రం తగ్గలేదు.

ఇప్పుడో కొత్త డైరెక్టర్ అనసూయను హీరోయిన్ గా పెట్టి ఓ లేడీ ఓరియెంటెడ్ సినిమా తీస్తున్నారట. దర్శకుడు సంపత్ నంది ఈ సినిమాకి సంబంధించిన పనులు దగ్గరుండి చూసుకుంటున్నట్లు సమాచారం. తన దగ్గర పని చేసిన ఓ అసిస్టెంట్ ను ఈ సినిమాతో దర్శకుడిగా పరిచయం చేయబోతున్నాడు సంపత్ నంది. ప్రస్తుతం ఈ సినిమా షూటింగ్ పనులు జరుగుతున్నాయి. ఈ సినిమాలో అనసూయ పాత్ర చాలా డిఫరెంట్ గా ఉండబోతుందని తెలుస్తోంది.

నటిగా మంచి పేరు తెచ్చుకోవాలని.. అనసూయ తన పాత్రల విషయంలో చాలా జాగ్రత్తలు తీసుకుంటూ ఉంటుంది. ఒకే రకమైన జోనర్ లో నటించడం ఆమెకి నచ్చదు. ప్రస్తుతం ఈ బ్యూటీ ‘పుష్ప’ సినిమాలో కీలకపాత్ర పోషిస్తుంది. అలానే మెగాస్టార్ చిరంజీవి ‘గాడ్ ఫాదర్’, రవితేజ ‘ఖిలాడీ’ సినిమాల్లో నటిస్తోంది. కృష్ణవంశీ ‘రంగమార్తాండ’లో కూడా అనసూయ కనిపించనుంది.