Gulte Telugu Telugu Political and Movie News Updates
సూపర్ స్టార్ ఇమేజ్ ఉన్న ఇద్దరు హీరోలతో మల్టీస్టారర్ చేయడం అంత తేలికైన విషయం కాదు. అలాగే అలాంటి ఇమేజ్ ఉన్న ఇద్దరు హీరోయిన్లతో సినిమా అన్నా కూడా కొంచెం కష్టమైన విషయమే. ఇద్దరి ఇమేజ్‌లను బ్యాలెన్స్ చేస్తూ పాత్రలు ఉండేలా చూసుకోవాలి. ఇద్దరి మధ్య ఎలాంటి ఇగో క్లాషెస్ రాకుండా చూసుకోవడమూ కీలకమే. ఐతే తమిళ దర్శకుడు విఘ్నేష్ శివన్ ఇప్పు ఈ సాహసమే చేస్తున్నాడు.
సౌత్ ఇండియాలోనే బిగ్గెస్ట్ స్టార్లయిన నయనతార, సమంతలతో అతను ఒక సినిమా తీస్తున్నాడు. ఇందులో విలక్షణ నటుడు విజయ్ సేతుపతి కూడా ఓ కీలక పాత్ర చేస్తున్నాడు. ఈ ముగ్గురి కలయికే సినిమా మీద ప్రత్యేక ఆసక్తికి కారణమవుతోంది. నయన్, సామ్ కలిసి ఇప్పటిదాకా ఏ చిత్రంలోనూ నటించలేదు. స్టార్ హీరోల కమర్షియల్ సినిమాలోనూ స్క్రీన్ షేర్ చేసుకోలేదు.
అలాంటిది ఇప్పుడు హీరోయిన్ ప్రాధాన్యమున్న థ్రిల్లర్ మూవీలో కలిసి నటించబోతున్నారు. సినిమా తీస్తున్నది తన ప్రియుడే కావడంతో సామ్‌తో కలిసి నటించడానికి నయన్‌కు పెద్దగా అభ్యంతరం లేకపోయి ఉండి ఉండొచ్చు. ఐతే సమంత ఈ సినిమాలో నటించడానికి ఇబ్బంది పడకుండా ఆమె సెట్లోకి అడుగు పెట్టగానే ఓ సర్ప్రైజ్ ప్లాన్ చేసింది నయన్. ‘ఫ్యామిలీ మ్యాన్-2’లో అద్భుత నటనకు గాను సమంతకు ఓ అంతర్జాతీయ పురస్కారం దక్కిన సంగతి తెలిసిందే. ఇందుకు ఆమెను అభినందిస్తూ తమ సినిమా సెట్స్‌లోకి అడుగు పెట్టిన సందర్భంగా గ్రాండ్ వెల్కమ్ చెప్పింది నయన్ అండ్ టీం. సమంతకు శుభాకాంక్షలు చెబుతూ కేక్ తయారు చేయించి ఆమెతో దాన్ని కట్ చేయించారు. చిన్న పార్టీ కూడా ఇచ్చారు.
ఈ సర్ప్ర్రైజ్ సమంతను ఎంతో ఆనందింపజేసినట్లే ఉంది ఫొటోలు చూస్తుంటే. సమంత, నయన్ కలిసి చాలా సదరాగా పార్టీ చేసుకుంటున్న దృశ్యాలు సోషల్ మీడియాలో హల్‌చల్ చేస్తున్నాయి. ఇద్దరు సూపర్ స్టార్ హీరోయిన్లు ఇలా సరదాగా కనిపిస్తున్న ఫొటోలు అందరినీ ఆకర్షిస్తున్నాయి.
