Movie News

నగరం రిపీట్ మీద ఆశలు అంచనాలు

ఇవాళ రాత్రి నుంచి ఈ నగరానికి ఏమైంది రిపీట్ ప్రీమియర్లు ప్రారంభం కాబోతున్నాయి. విడుదల రేపు అయినప్పటికీ యూత్ ని ఆకట్టుకునే ఉద్దేశంతో పాటు కంటెంట్ మీద నమ్మకంతో టీమ్ ముందు రోజు చూపించడానికి రెడీ అయిపోయింది. నిన్న జరిగిన ప్రీ రిలీజ్ ఈవెంట్ కు స్టార్ గెస్టులు రానప్పటికీ చిత్ర బృందం చేసిన విన్నపం, చూపించిన కాన్ఫిడెన్స్ ఎంతవరకు నిలబడతాయో ఈ రోజు మిడ్ నైట్ తేలనుంది. దీని మీద ప్రత్యేకంగా పలు అంచనాలు ఆశలు బోలెడున్నాయి.

ముందు దర్శకుడు తరుణ్ భాస్కర్ కి మరోసారి తన టాలెంట్ చూపించుకోవడానికే ఇంతకన్నా వేదిక దొరకదు. నటుడిగా బిజీగా ఉంటూ డైరెక్షన్ ని సీరియస్ గా తీసుకోకపోవడం వల్ల కెరీర్ లో ఇప్పటిదాకా కేవలం మూడు సినిమాలు మాత్రమే చేయగలిగారు. ఇప్పుడీ నగరానికి రిపీట్ కనక సక్సెస్ అయితే మళ్ళీ మెయిన్ లీగ్ లోకి రావొచ్చు. ముఖ్యంగా స్టార్ హీరోల దృష్టిలో పడాలంటే ఇది బ్లాక్ బస్టర్ తక్కువ ఉండకూడదు. కమర్షియల్ జానర్ కాకపోయినా యూత్ ని మెప్పిస్తే చాలు కలెక్షన్ల వర్షమే.

ఇక విశ్వక్ సేన్ ఉన్న బ్యాడ్ ఫేజ్ కి అర్జెంట్ గా ఒక హిట్ కావాలి. కల్ట్ కోసం ఎంత కష్టపడినా లాభం లేకపోయిన నేపథ్యంలో తన ఆశలన్నీ దీని మీదే పెట్టుకున్నాడు. డిసెంబర్ లో రావాల్సిన లెగసిని వాయిదా వేసి ఈ నగరానికి రిపీట్ ప్రమోషన్ల కోసమే పూర్తి సమయం కేటాయించి రోజుల తరబడి పబ్లిసిటీలో భాగమయ్యాడు. నిర్మాత సృజన్ బడ్జెట్ కు వెనుకాడకుండా చాలా ఖర్చు పెట్టారు. ఆకాశంలో ఒక తార, ఓం రూపంలో పోటీ ఉన్నప్పటికీ గెలుస్తామనే నమ్మకంతో ముందడుగు వేశారు.

ఎలాగూ టాలీవుడ్ బాక్సాఫీస్ దగ్గర బోలెడు స్పేస్ ఉంది. ఇట్లు అర్జున, డిఎన్కె అంచనాలు అందుకోలేకపోవడంతో ఖాళీ ఏర్పడింది. రామాయణ, సీన్ రెండో వారంలోనూ నిలబడ్డాయి. ఇప్పుడు ఈ నగరానికి ఏమైంది రిపీట్ కనక బాగుందనే మాట తెచ్చుకుంటే చాలు ఒక రెండు వారాల దాకా వసూళ్లకు ఢోకా ఉండదు. మొదటి భాగం విడుదలైనప్పుడు కలెక్షన్ల లెక్కల్లో వండర్స్ చేయలేదు. కానీ ఇప్పుడీ రిపీట్ వర్షన్ అంచనాలు అందుకుని డబ్బులు తెస్తుందనే ధీమా మేకర్స్ లో ఉంది.

This post was last modified on November 18, 2026 10:33 am

Share

Recent Posts

రామ్‌చరణ్ హీరోయిన్‌గా బుట్టబొమ్మ ?

ఇటీవలే పూజా కార్యక్రమంతో మొదలైన రామ్ చరణ్ 17 ఇంకా రెగ్యులర్ షూటింగ్ కి వెళ్ళలేదు. డిసెంబర్ నుంచి సెట్…

18 minutes ago

తరుణ్ భాస్కర్ – ఈషా… క్లారిటీ వచ్చేసినట్లేనా?

దర్శకుడు, నటుడు తరుణ్ భాస్కర్.. కథానాయిక ఈషా రెబ్బా కలిసి ప్రయాణం సాగిస్తున్న విషయం ఎప్పుడో వెల్లడైంది. ఇంకా వాళ్లిద్దరూ…

2 hours ago

ఉబర్ డ్రైవర్‌గా నిర్మాత.. నిజమేనా?

నిన్న రాత్రి జరిగిన ‘ఈఎన్ఈ రిపీట్’ ప్రి రిలీజ్ ఈవెంట్లో ఆ చిత్ర నిర్మాత సృజన్ యరబోలు హాట్ టాపిక్‌గా…

2 hours ago

మైసా… మరీ ఇంత సైలెన్సా

ఎలాంటి వాయిదా ప్రకటన రాలేదు కాబట్టి ఇప్పటికైతే మైసా విడుదల తేదీ నవంబర్ 27 లో ఎలాంటి మార్పు లేదు.…

2 hours ago

రాజమౌళి గారూ… త్వరగా తేల్చేయండి

వారణాసి విడుదల మీద కొత్త ప్రచారాలు మొదలైపోయాయి. ఏప్రిల్ 7 విడుదల సాధ్యం కాదని, అందుకే మగధీర వచ్చిన జూలై…

3 hours ago

నీటి కోసం పాట్లు… సీఎం ప్ర‌య‌త్నం ఫ‌లించేనా?!

నీటి కోసం.. తెలంగాణ రైతుల జ‌ల‌ స‌మ‌స్య కోసం ముఖ్య‌మంత్రి రేవంత్ రెడ్డి తీవ్రంగా ప్ర‌య‌త్నిస్తున్నారు. దీనిలో ఎలాంటి సందేహం…

5 hours ago