రామాయణ తెలుగులో ఎంతవరకు కలెక్ట్ చేసింది?

పాన్ ఇండియా స్థాయిలో మంచి టాక్, రివ్యూలు తెచ్చుకున్న సినిమా.. రామాయ‌ణం. రిలీజ్ ముంగిట ఈ సినిమా ఎలాంటి ఫ‌లితాన్నందుకుంటుందో అన్న అనుమానాలు నెల‌కొన్నాయి కానీ.. విడుద‌ల అనంత‌రం ప‌రిస్థితి మారిపోయింది. ప్రపంచ‌వ్యాప్తంగా ఈ సినిమాకు అంచ‌నాల‌కు మించిన స్పంద‌న వ‌చ్చింది. ముఖ్యంగా అంత‌ర్జాతీయ ప్రేక్ష‌కులు ఈ సినిమాను ఆద‌రిస్తున్న తీరు అపూర్వం. ఇప్ప‌టికే వెయ్యి కోట్ల క్ల‌బ్బులో అడుగుపెట్టిందీ సినిమా.

యుఎస్ స‌హా ప‌లు దేశాల్లో భారీగా వ‌సూళ్లు రాబ‌డుతూ దూసుకెళ్తోంది. నార్త్ ఇండియాలో రామాయ‌ణం దుమ్ము దులుపుతోంది. ద‌క్షిణాదిన కూడా స్పంద‌న ప‌ర్వాలేదు. ఐతే తెలుగులో ఈ సినిమా చాలా పెద్ద రేంజికి వెళ్తుంద‌ని.. వంద కోట్లను మించి గ్రాస్ వ‌సూళ్లు రాబ‌డుతుంద‌ని ఆరంభంలో అంచ‌నాలు ఏర్ప‌డ్డాయి. సినిమాకు ఇక్క‌డ‌ మంచి టాక్ వ‌చ్చింది. పైగా అగ్ర నిర్మాత దిల్ రాజు చాలా పెద్ద స్థాయిలో సినిమాను రిలీజ్ చేశారు. రెండు తెలుగు రాష్ట్రాల్లో మెజారిటీ, ప్రీమియం స్క్రీన్లు ఈ సినిమాకు ద‌క్కాయి.

దీపావ‌ళి వీకెండ్లో రామాయ‌ణంకు పోటీగా సీన్, స‌మ్మ‌ర్ హాలిడేస్ సినిమాలు రిలీజైనా.. త‌ర్వాతి వారం ఇట్లు అర్జున‌, డీఎన్‌కే స‌హా ప‌లు చిత్రాలు పోటీలోకి వ‌చ్చినా.. రామాయ‌ణంకి పెద్ద సంఖ్యలో స్క్రీన్లు నిలిచాయి. టాక్ ప‌రంగా చూసుకుంటే రామాయ‌ణంకు పోటీ ఇచ్చే సినిమా క‌నిపించ‌లేదు. ఇత‌ర చిత్రాలేవీ మ‌రీ గొప్ప‌గా ఆడేయ‌లేదు. అయినా ఈ అడ్వాంటేజీని రామాయ‌ణం ఇంకా ఎక్కువగా ఉపయోగించుకోవాల్సిన అవసరం ఉంది.

ఈ సినిమా తెలుగు వెర్ష‌న్ గ్రాస్ ఇప్పటివరకు వ‌సూళ్లు రూ.80 కోట్ల‌కు అటు ఇటుగా వ‌చ్చాయి. ఇక్క‌డి నుంచి చెప్పుకోద‌గ్గ వ‌సూళ్లు రాబట్టాలి. రెండో వీకెండ్ త‌ర్వాత సినిమా స్లో అయిపోయింది తెలుగు రాష్ట్రాల్లో. ఉత్త‌రాదిన, అలాగే అంత‌ర్జాతీయ స్థాయిలో మాత్రం రామాయ‌ణంకు లాంగ్ ర‌న్ ఉంటుంద‌నిపిస్తోంది. ఇప్ప‌టికీ క‌లెక్ష‌న్లు నిల‌క‌డ‌గా ఉన్నాయి. కానీ తెలుగు రాష్ట్రాల్లో మాత్రం ఇంకొన్ని రోజులు మంచి నంబర్లను రాబట్టాల్సిందే.

రామాయ‌ణం తెలుగు వెర్ష‌న్ ఫుల్ ర‌న్‌లో రూ.100 కోట్ల గ్రాస్ మార్కును అందుకోవాల‌నే టార్గెట్‌తో ముందుకు సాగుతోంది. ఇప్ప‌టికే సుమారు రూ.80 కోట్ల గ్రాస్ వ‌సూళ్ల‌ను రాబ‌ట్టిన ఈ చిత్రం, ఆ మార్కును చేరుకోవాలంటే మ‌రో రూ.20 కోట్ల వ‌ర‌కు వ‌సూలు చేయాల్సి ఉంది. అయితే బాక్సాఫీస్ ద‌గ్గ‌ర వ‌సూళ్ల వేగం కొంత త‌గ్గింది. ఈ నేప‌థ్యంలో రాబోయే రోజుల్లో సినిమా మ‌రోసారి పుంజుకుని ఆశించిన టార్గెట్‌ను చేరుకుంటుందా అన్న‌ది ఆస‌క్తిక‌రంగా మారింది.