Movie News

దీపావళికి డబ్బింగుల జోరు… టాలీవుడ్ హీరోలు లేరు

నవంబర్ దీపావళి పండక్కు బాక్సాఫిస్ పోటీ మంచి రసవత్తరంగా మారబోతోంది. ముందుగా ‘రామాయణ పార్ట్ 1’ వస్తుంది కాబట్టి దానికి పోటీగా వెళ్లడం ఎందుకులెమ్మని టాలీవుడ్ నిర్మాతలు ఆ స్లాట్ ని వదిలేశారు. ఆ విజువల్ గ్రాండియర్ ముందు నిలవలేమోననే అనుమానంతో వెనుకడుగు వేశారు. కానీ తమిళ ప్రొడ్యూసర్లు అయితే మాకేంటి అంటున్నారు. ముందుగా సూర్య ‘సీన్’ ఆల్రెడీ నవంబర్ 6 రిలీజ్ డేట్ అధికారికంగా ప్రకటించింది. షూటింగ్ అయిపోయి పోస్ట్ ప్రొడక్షన్ జరుగుతోంది.

ఇవాళ ఉదయం నయనతార ప్యాన్ ఇండియా మూవీ ‘మహాశక్తి (మూకుతి అమ్మన్ 2)’ ని పటాసుల ఫెస్టివల్ కి రిలీజ్ చేస్తామని టీజర్ లో చెప్పేశారు. రామాయణ వస్తుందని తెలిసి, సీన్ అనౌన్స్ మెంట్ ఉందని గుర్తించి మరీ పోటీకి సై అన్నారంటే విషయం ఏదో గట్టిగా ఉన్నట్టుంది. విచిత్రంగా టాలీవుడ్ నుంచి ఎవరూ ఈ రేసులో లేరు. సెప్టెంబర్ అక్టోబర్ లో వాయిదా పడే ఛాన్స్ ఉన్నవి కూడా దీపావళిని వదిలేసి మిగిలిన ఆప్షన్లను జల్లెడ పడుతున్నాయి. ఇదే పెద్ద ట్విస్టు.

ఇక్కడ ఇంకో ముఖ్యమైన సంగతి ఏంటంటే ‘గాడ్జిల్లా మైనస్ జీరో’ ప్రపంచవ్యాప్తంగా పెద్ద ఎత్తున రిలీజవుతోంది. ఓవర్సీస్ లో స్క్రీన్ల విషయంలో రామాయణకు చిక్కులు తప్పవని ట్రేడ్ వర్గాలు అంచనా వేస్తున్నాయి. అలాంటప్పుడు మిగిలిన వాటికి థియేటర్లు దొరకడం కొంచెం ఇబ్బంది అవుతుంది. రామాయణ అంటే ఏదో సోనీ సంస్థ పంపిణి కాబట్టి మేనేజ్ అవుతుంది కానీ మిగిలిన వాటికి అంత సులభంగా ఛాన్స్ ఉండదు. అయినా సరే వెనుకడుగు వేయడం లేదు.

ఒకవేళ జైలర్ 2 కనక దసరా నుంచి తప్పుకుని వేరే డేట్ కావాలంటే దీపావళికే వెళ్లాల్సి ఉంటుంది. అప్పుడు సూర్య, నయనతారలో ఒకరు తప్పుకోవచ్చు. కానీ చెన్నై వర్గాలు మాత్రం జైలర్ 2 పోస్ట్ పోన్ ఉండదని, దర్శకుడు నెల్సన్ దిలీప్ కుమార్ పనులు పూర్తి చేయడానికి కంకణం కట్టుకున్నారని అంటున్నాయి. ఏది నిజమో ఏది కాదో ఇంకో రెండు మూడు రోజుల్లో క్లారిటీ వస్తుంది. ఏది ఏమైనా దివాలికి తెలుగు జనాలు మాత్రం డబ్బింగ్ సినిమాలతో సరిపెట్టుకోవాలి. 

This post was last modified on September 14, 2026 8:52 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

10 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

24 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

43 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

59 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

1 hour ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

1 hour ago