‘డీసీ’కి ప్రాణం పోసిన ఆమెకు లేదా గిఫ్ట్?

పేరున్న హీరో హీరోయిన్లు లేకపోయినా.. ప్రి రిలీజ్ బజ్ కూడా పెద్దగా లేకపోయినా.. కంటెంట్‌తో ప్రేక్షకులను అమితంగా ఆకట్టుకుని పెద్ద హిట్టయిన సినిమా ‘డీసీ’. ఈ తమిళ చిత్రానికి తెలుగులో కూడా అదిరిపోయే రెస్పాన్స్ వచ్చింది. ఫుల్ రన్లో వంద కోట్ల మేర వసూళ్లు రాబట్టి ఆశ్చర్యపరిచిందీ చిత్రం. పరిమిత బడ్జెట్లో రూపొందిన సినిమా ఇంత పెద్ద విజయం సాధించి అమితానందానికి గురైన ఈ చిత్ర నిర్మాత, సన్ పిక్చర్స్ అధినేత కళానిధి మారన్.. ‘డీసీ’ టీంలో ముఖ్యులకు లగ్జరీ కార్లు ప్రెజెంట్ చేశారు.

దర్శకుడు అరుణ్ మాథేశ్వరన్‌తో పాటు హీరో లోకేష్ కనకరాజ్‌కు, సంగీత దర్శకుడు అనిరుధ్ రవిచందర్‌కు ఆయన బ్రాండ్ న్యూ బీఎం డబ్ల్యూ కార్లు ప్రెజెంట్ చేశారు. ఐతే ఆ ముగ్గురికీ కార్లు ఇవ్వడం బాగానే ఉంది కానీ.. ఈ సినిమాకు మరో మూల స్తంభంగా నిలిచిన హీరోయిన్ వామిక గబ్బికి కారు గిఫ్ట్ ఇవ్వకపోవడం సమంజసంగా అనిపించట్లేదు ఈ సినిమా అభిమానులకు.

‘డీసీ’కి నటన పరంగా అతి పెద్ద ఆకర్షణ వామికనే అనడంలో సందేహం లేదు. వేశ్య పాత్ర పోషించడానికి అందరూ అంగీకరించరు. ఒకవేళ అంగీకరించినా.. వామిక లాంటి కన్విన్సింగ్ పెర్ఫామెన్స్ ఇవ్వడం అందరికీ సాధ్యం కాదు. నిజంగా ఒక అమ్మాయి బయటి ప్రపంచం తెలియకుండా వేశ్యాగృహంలో ఏళ్లతరబడి మగ్గిపోతే తన పరిస్థితి ఎలా ఉంటుందో.. తనెలా ప్రవర్తిస్తుందో.. అచ్చం అలాగే నటించి మెప్పించిందామె. 

కొన్ని సన్నివేశాల్లో తన స్క్రీన్ ప్రెజెన్స్, పెర్ఫామెన్స్ గురించి ఎంత చెప్పినా తక్కువే. అంత గొప్పగా తన పాత్రను పోషించి సినిమాకు ప్రాణం పోసిన వామికకు గిఫ్ట్ ఇవ్వకపోవడం ఏంటంటూ సోషల్ మీడియా సన్ పిక్చర్స్ అధినేత ఆగ్రహం వ్యక్తం చేస్తోంది. ఇప్పటికైనా పొరపాటు దిద్దుకుని వామిక ప్రతిభను గుర్తించాలని ‘డీసీ’ సినిమాతో తనకు ఫ్యాన్స్‌ అయిపోయిన నెటిజన్లు గట్టిగా డిమాండ్ చేస్తున్నారు.