Gulte Telugu Telugu Political and Movie News Updates
రవితేజతో మిగతా దర్శకులు ఫెయిలవుతోన్న టైమ్‍లో డాన్‍ శీను, బలుపు చిత్రాలతో గోపిచంద్‍ మలినేని వరుస విజయాలు సాధించాడు. అయితే దర్శకుడిగా అతడి స్థాయిని పెంచేంతగా ఆ సినిమాలు బాక్సాఫీస్‍ వద్ద సక్సెస్‍ కాలేదు. కానీ ఈ సంక్రాంతికి వచ్చిన ‘క్రాక్‍’తో రవితేజతో హ్యాట్రిక్‍ కంప్లీట్‍ చేసాడు. అందులోను రవితేజ మార్కెట్‍ పూర్తిగా పడిపోయిన దశలో గోపిచంద్‍ మలినేని ఈ హిట్టిచ్చాడు.
థియేటర్లకు మాస్‍ ప్రేక్షకులను రాబట్టడానికి కావాల్సిన మసాలా అంశాలను దట్టించి పారేసిన గోపిచంద్‍ మలినేని ఈ విజయంతో తనకు, రవితేజకే కాకుండా చిత్ర పరిశ్రమకు కూడా హెల్ప్ చేసాడు. ఈ విజయంతో అతడికి టాలీవుడ్‍లో డిమాండ్‍ పెరిగిపోయింది. నిన్న మొన్నటి వరకు సినిమా తర్వాత మరో సినిమా వెతుక్కున్నట్టు వున్న గోపిచంద్‍ కోసం ఇప్పుడు నిర్మాతలు క్యూ కడుతున్నారు. టాప్‍ స్టార్లు బిజీగా వున్నా కానీ మిడ్‍ రేంజ్‍ హీరోలు అతడితో పని చేయడానికి ఉత్సాహ పడుతున్నారు.
మాస్‍ సినిమాలు తీసే వినాయక్‍, బోయపాటి శ్రీను ఇప్పుడు వెనుక పడడంతో నిఖార్సయిన మాస్‍ సినిమాలు తీసే దర్శకులకు కొరత వచ్చింది. గోపిచంద్‍ మలినేని కనుక క్రాక్‍లాగా మరోసారి బాక్సాఫీస్‍ కిటుకుని క్రాక్‍ చేసే ఇంకో హిట్టిస్తే ఇక అగ్ర హీరోలు కూడా అతడితో సినిమాకోసం రెడీ అయిపోవాల్సిందే.
