Gulte Telugu Telugu Political and Movie News Updates
తాజాగా ఓ టీవీ ఛానెల్‌కి ఇచ్చిన ఇంటర్వ్యూలో తన తర్వాతి సినిమా మహేష్‌బాబుతో ఉంటుందని సూపర్ స్టార్ ఫ్యాన్స్‌కు తీపి కబురు చెప్పాడు దర్శకధీరుడు రాజమౌళి. రాజమౌళి- మహేష్ మూవీ కన్ఫార్మ్ కాగానే వీరిద్దరి కాంబోలో ఎలాంటి జోనర్ సినిమా వస్తుందా? అని అభిమానుల్లో ఉత్సాహం నెలకొంది. అయితే జక్కన్నతో ‘బాహుబలి’ టైపులో ఓ ఫిక్షినల్ హిస్టారికల్ మూవీ చేయడానికే మహేష్ ఎక్కువ ఇంట్రెస్ట్ చూపిస్తున్నట్టు టాక్.
ఇప్పటిదాకా మహేష్ బాబు కెరీర్‌లో హిస్టారికల్ మూవీ లేదు. తండ్రి కృష్ణ ఎన్నో హిస్టారికల్, పిరియాడిక్ మూవీస్‌లో నటించినా, మహేష్ మాత్రం ఆ సాహసం ఇప్పటిదాకా చేయలేకపోయాడు. అయితే ‘రాజమౌళి లాంటి డైరెక్టర్ అయితే ఇలాంటి డేరింగ్ స్టెప్ తీసుకోవడానికి తాను రెఢీ!’ అంటూ ఓ ఇంటర్వ్యూలో చెప్పాడు మహేష్. దాంతో ఇప్పుడు ఈ కాంబోలో వచ్చే మూవీ అలాగే ఉండబోతుందట.
నిజానికి కృష్ణ కెరీర్‌లో మైలురాయిగా నిలిచిన ‘అల్లూరి సీతారామరాజు’ మూవీని రిమేక్ చేయాలనేది మహేష్ డ్రీమ్. అలాగే ‘మోసగాళ్లకు మోసగాడు’, ‘గూఢచారి 117’ వంటి జేమ్స్ బాండ్ థ్రిల్లర్ తీయాలని మహేష్ ఫ్యాన్స్ కోరుకుంటున్నారు.
అయితే ప్రస్తుతం రాజమౌళి తీస్తున్న ‘ఆర్ఆర్ఆర్’లో సీతారామరాజు పాత్రలో చరణ్ నటిస్తున్నాడు. కాబట్టి మహేష్ సినిమాలో అల్లూరి కాన్సెప్ట్‌ను మళ్లీ తీసుకోకపోవచ్చు రాజమౌళి. మరి మహేష్ కోసం రాజమౌళి ఎలాంటి స్క్రిప్ట్ సెలక్ట్ చేసుకుంటాడో చూడాలి.
