అఫిషియల్… తల్లి కాబోతున్న సమంత

మా ఇంటి బంగారం సినిమా విజయంతో సంబరాల్లో ఉన్న సమంత అభిమానులకు మరో శుభవార్త అందింది. సినిమా సక్సెస్ మీట్ వేదికగా తాను తల్లి కాబోతున్నానని సమంత అధికారికంగా ప్రకటించింది. దీంతో అభిమానుల్లో ఆనందం మరింత రెట్టింపైంది.

గత కొన్ని రోజులుగా సమంత గర్భధారణపై సోషల్ మీడియాలో విస్తృతంగా ప్రచారం జరిగింది. మా ఇంటి బంగారం సక్సెస్ మీట్ కార్యక్రమాల్లో ఆమె కనిపించిన తీరు ఈ ఊహాగానాలకు మరింత బలం చేకూర్చింది. తాజాగా ఆమె స్వయంగా ప్రకటించడంతో అన్ని సందేహాలకు తెరపడింది.

సక్సెస్ మీట్ లో మాట్లాడిన సమంత భావోద్వేగానికి లోనయ్యింది. తన సినీ ప్రయాణంలో ప్రతి దశలో అండగా నిలిచిన అభిమానులకు ఆమె ప్రత్యేకంగా కృతజ్ఞతలు తెలిపిన సమంత వారి ప్రేమ, మద్దతు ఎప్పటికీ మరవలేనిదని తెలిపింది.

మాతృత్వం తన జీవితంలో ఎంతో ప్రత్యేకమైన అధ్యాయమని పేర్కొన్న సమంత.. ఈ అందమైన దశను పూర్తిగా ఆస్వాదించాలని భావిస్తున్నట్లు చెప్పారు. అందుకే కొంతకాలం సినిమాలకు విరామం తీసుకోనున్నట్లు వెల్లడించారు.

అయితే ఈ విరామం తాత్కాలికమేనని సమంత స్పష్టం చేసింది. త్వరలోనే కొత్త ప్రాజెక్టులతో ప్రేక్షకుల ముందుకు వస్తానని అభిమానులకు హామీ కూడా ఇచ్చింది.

ఒకవైపు మా ఇంటి బంగారం బాక్సాఫీస్ వద్ద విజయవంతంగా దూసుకుపోతుండగా, మరోవైపు వ్యక్తిగత జీవితంలో కూడా సమంత కొత్త ఆనందాన్ని ఆహ్వానిస్తున్నారు. కెరీర్ విజయంతో పాటు మాతృత్వం వరంగా రావడంతో ప్రస్తుతం ఆమె జీవితంలో నిజమైన డబుల్ సెలబ్రేషన్ నెలకొంది.