Gulte Telugu Telugu Political and Movie News Updates
సంక్రాంతి పండక్కి ముందు మామూలుగా థియేటర్ల వద్ద సందడి తక్కువగా వుంటుంది. ప్రీ ఫెస్టివల్‍ టైమ్‍ అంటూ ట్రేడ్‍ ఆ పీరియడ్‍ గురించి హెచ్చరిస్తూ వుంటుంది. అయితే పండక్కి వారం ముందు రిలీజ్‍ చేసి సక్సెస్‍ అయిన సినిమాలు చాలానే వున్నాయి. వారం ముందు రావడం వల్ల పండక్కి పాతబడిపోతుందనే రిస్క్ వున్నా కానీ ఈసారి రిలీజ్‍కి నాలుగైదు సినిమాలుండడం, అందులోను ఫిఫ్టీ పర్సెంట్‍ టికెట్లు మాత్రమే విక్రయించాలనే రూల్‍ వుండడంతో క్రాక్‍ సినిమాను జనవరి 9నే విడుదల చేసేస్తున్నారు.
శని, ఆదివారాలలో ఆడియన్స్ సినిమాలకు బాగా వస్తున్నారని సోలో బ్రతుకే సో బెటర్‍ విషయంలో రుజువయింది. దీంతో ఆ అడ్వాంటేజ్‍ పోగొట్టుకోకుండా ముందుగా వచ్చేస్తున్నారు. దీని వల్ల సంక్రాంతికి ఒక రోజు ఎడంతో విడుదలవుతోన్న సినిమాల నుంచి డైరెక్ట్ పోటీని తప్పించుకున్నట్టయింది.
క్రాక్‍ సినిమా అచ్చమైన మాస్‍ మసాలా మూవీ కావడంతో ఓటిటి రిలీజ్‍పై నిర్మాతలు మొదట్నుంచీ ఆసక్తి చూపించలేదు. ఈ సినిమాపై నమ్మకంతో కరోనా సమయంలో కూడా బయ్యర్లు వెనక్కు తగ్గలేదు. మాస్‍ని ఆకట్టుకుంటే కనుక నిఖార్సయిన సినిమా చూసి చాలా కాలం అవుతోంది కనుక ప్రేక్షకులు తప్పకుండా ఈ చిత్రానికి బ్రహ్మరథం పడతారు. రిస్క్ ఫ్యాక్టర్‍ వున్నప్పటికీ ఇది సూపర్‍ ప్లాన్‍ అనే ట్రేడ్‍ పండితులు కూడా అంగీకరిస్తున్నారు.
