Gulte Telugu Telugu Political and Movie News Updates
మొన్నటిదాకా జూన్ 26 రావడం పక్కాని పదే పదే ప్రమోషన్లలో ఊదరగొట్టిన లెనిన్ మళ్ళీ వాయిదా పడిందనే వార్త అభిమానుల్లో గుబులు రేపుతోంది. కారణాలు ఏమైనా వాళ్ళు ఈ పరిణామాన్ని అంత సులభంగా స్వాగతించేలా లేరు. ఎందుకంటే ఇప్పటికే లెనిన్ చాలా పోస్ట్ పోన్లు తీసుకుంది. ఏప్రిల్ లోనే వస్తుందనుకున్న టైంలో పెద్ది కోసం త్యాగం చేశామంటూ తొందరపడి ప్రకటన ఇచ్చిన టీమ్ ఇప్పుడు రెండు నెలల తర్వాత కూడా మాట తప్పితే సోషల్ మీడియా ఫ్యాన్స్ ఊరుకుంటారా.
ఇంకా అధికారికంగా ప్రకటించలేదు కానీ హఠాత్తుగా లెనిన్ ప్రమోషన్లు ఆపేయడం దానికి సంకేతంగా భావిస్తున్నారు. ఇన్ సైడ్ టాక్ ప్రకారం కొన్ని కారణాలు కనిపిస్తున్నాయి. కొంత ప్యాచ్ వర్క్ పెండింగ్ ఉండటం, ఇంకా ఫైనల్ కాపీ సిద్ధం కాకపోవడంతో తమన్ తన ఓజి టూర్ పనుల్లో బిజీ అయిపోవడం, ఓటిటి డీల్ కు సంబంధించి చివరి నిమిషం ఏదో అడ్డంకి రావడం ఇలా రకరకాల రీజన్స్ లెనిన్ కు అడ్డంకిగా మారాయని అంటున్నారు. అందుకే నిర్ణయం మార్చుకున్నారట.
ఏది ఏమైనా ఈసారి అఖిల్ ఫ్యాన్స్ ఊరుకునేలా లేరు. ఎక్స్, ఇన్స్ టా వేదికగా గట్టిగానే తలంటడం ఖాయం. తమ హీరోకు ఖచ్చితంగా మాస్ కంబ్యాక్ గా లెనిన్ నిలుస్తుందని వాళ్లకు దీని మీద చాలా ఆశలున్నాయి. పాటలు, టీజర్ కాసింత నమ్మకాన్ని కలిగించాయి. వీటిలో చూపించని షాకింగ్ కంటెంట్ థియేటర్లలో థ్రిల్ ఇస్తుందని యూనిట్ సభ్యులు అంటున్నారు. ఇలాంటి పాజిటివ్ వైబ్స్ ఉన్నప్పుడు వీలైనంత వరకు అవకాశాన్ని పోగొట్టుకోకుండా చూడాలి.
ఎలాగూ పెద్ది జూన్ చివరి వారంకల్లా ఫైనల్ రన్ కు వచ్చేస్తుంది. లెనిన్ కు మంచి ఛాన్స్ ఉండేది. కానీ ఇప్పుడు తప్పుకోవడం వల్ల ఆ అడ్వాంటేజ్ ని రావు బహదూర్ లాంటివి వాడుకుంటాయి. లెనిన్ కన్నా వారం ముందు వచ్చే సమంత మా ఇంటి బంగారంకు కూడా ఇది కలిసి వచ్చే విషయమే. రిలీజ్ గురించి ఆ మధ్య నొక్కి వక్కాణించిన నిర్మాతలు నాగార్జున, నాగవంశీలు ఇపుడేమంటారో చూడాలి. భాగ్యశ్రీ బోర్సే హీరోయిన్ గా నటించిన లెనిన్ కు అఖిల్ కెరీర్ లోనే అత్యధిక బడ్జెట్ పెట్టారు.
