Movie News

రేసు గుర్రం కొంచెం తొందరపడిందేమో

ఏప్రిల్ 8 ఐకాన్ స్టార్ అల్లు అర్జున్ పుట్టినరోజు సందర్భంగా రేసు గుర్రం రీ రిలీజ్ చేస్తున్న సంగతి తెలిసిందే. ఓవర్సీస్ అడ్వాన్స్ బుకింగ్స్ మరీ భయపెట్టేలా సింగల్ డిజిట్ లో ఉండటం చూసి అభిమానులు కలవరపడుతున్నారు. హైదరాబాద్ లాంటి మెయిన్ సెంటర్స్ లో ఉదయం షోలు హౌస్ ఫుల్స్ ఎలాగూ అవుతాయి కానీ ఇలా అమెరికాలో కనీసం పబ్లిసిటీ ఖర్చులు కూడా రావేమో అనేలా బుకింగ్స్ జరగడం చూస్తుంటే పెద్ద రిలీజ్ చేసి తొందరపడ్డారేమో అనిపిస్తోంది.

నిజానికి రేసు గుర్రం ఎవరూ కాదనలేని బ్లాక్ బస్టర్. దర్శకుడు సురేందర్ రెడ్డిని మరింత పెద్ద లీగ్ లోకి వెళ్లేలా చేసింది ఈ మూవీనే. బన్నీ మార్కెట్ కూడా పెంచింది. కామెడీ, యాక్షన్, మ్యూజిక్ అన్నీ సమపాళ్లలో ఉంటాయి. హీరోయిజంకు ఢోకా లేకుండా ఫుల్ మాస్ స్టఫ్ ఇచ్చారు సూరి. తమన్ ఇచ్చిన పాటలు ఇప్పటికీ హమ్ చేసుకునేలా ఉంటాయి. కాకపోతే టీవీలో కొన్ని వందలసార్లు ఈ సినిమా టెలికాస్ట్ అయ్యింది. యూట్యూబ్ లో ఉచితంగా చాలా ఛానల్స్ లో అందుబాటులో ఉంది.

అంటే ఈ కారణంగా రెస్పాన్స్ తక్కువని చెప్పలేం కానీ రేసు గుర్రంకు ఈ స్పందన ఆశ్చర్యం కలిగించేదే. అందులోనూ పుష్ప 2 తర్వాత ఏడాదికి పైగా గ్యాప్ వచ్చింది. ఫ్యాన్స్ మంచి ఆకలి మీద ఉంటారు. సెలబ్రేషన్స్ కూడా గట్టిగా ప్లాన్ చేశారు. ముఖ్యంగా హైదరాబాద్ లో సంబరాలు గట్టిగా ఉండబోతున్నాయి. ఇటీవలే ఏర్పాటు చేసిన అభిమాన సంఘాలు, వాటిలో రకరకాల పదవులు తీసుకున్న ఫ్యాన్స్ రేసు గుర్రంకి భారీ వసూళ్లు వస్తాయని ఆశిస్తున్నారు.

ఒకటి మాత్రం నిజం. రీ రిలీజ్ ట్రెండ్ ఎవరికీ అంతు చిక్కడం లేదు. కొన్ని డిజాస్టర్లు విరగబడి ఆడతాయి. కొన్ని సూపర్ హిట్లు రెండో రోజే చేతులు ఎత్తేస్తాయి. ఒక క్లాసిక్ ని ప్రేక్షకులు నెత్తిమీద పెట్టుకుంటే మరో క్లాసిక్ ని రెండో రోజే తిరస్కరిస్తారు. అయినా సరే ట్రేడ్ రిస్క్ చేస్తూనే ఉంది. ఇంకో అయిదు రోజుల్లో రేసు గుర్రం వచ్చేస్తోంది. అమెరికా సంగతి పక్కనపెడితే ఏపీ తెలంగాణలో అయినా ఏమైనా రికార్డులు సాధిస్తుందేమో చూడాలి. పోటీ లేని రోజు కాబట్టి లాభపడే ఛాన్స్ ఉంది

This post was last modified on April 3, 2026 9:52 pm

Share

Recent Posts

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

6 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

25 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

41 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

51 minutes ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

55 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

2 hours ago