రెహమాన్ కంటే తమన్ బెటర్ ఛాయిసా

మెగాస్టార్ చిరంజీవి, దర్శకుడు బాబీ కలయికలో తెరకెక్కబోయే సినిమాకు ఏఆర్ రెహమాన్ సంగీతం సమకూరుస్తారనే వార్తలు మొన్నటి దాకా చక్కర్లు కొట్టాయి. కానీ ఇప్పుడు తమన్ కు ఆ ఛాన్స్ దొరికినట్టు వస్తున్న అప్డేట్ అభిమానుల్లో ఒక రకమైన కన్ఫ్యూజన్ ఏర్పరిచింది. ఎందుకంటే పెద్దికి రెహమాన్ అవుట్ స్టాండింగ్ వర్క్ చేశారు. రెండు పాటలు, టీజర్ అదిరిపోయే రెస్పాన్స్ తెచ్చుకున్నాయి.

తగ్ లైఫ్ లో మణిరత్నం అంతటి లెజెండ్ కూడా రాబట్టుకోలేకపోయినా క్వాలిటీ అవుట్ ఫుట్ ని బుచ్చిబాబు అనే ఒక్క సినిమా అనుభవమున్న దర్శకుడు బుచ్చిబాబు చేయించుకోవడం మాములు విశేషం కాదు. సో మెగా ఫ్యాన్స్ కు రెహమాన్ మీద ఫుల్ పాజిటివ్ కార్నర్ ఉంది. అలాంటప్పుడు బాబీ మూవీకి కూడా తనే అయ్యుంటే బాగుండేదన్న అభిప్రాయం వ్యక్తం కావడం సహజం.

అయితే ఇక్కడో విషయం గమినించాలి. రెహమాన్ పెద్దికి బెస్ట్ ఇస్తున్న మాట నిజమే కానీ ఆ మేజిక్ ప్రతిసారి రిపీట్ అవుతుందన్న గ్యారెంటీ లేదు. గత పదేళ్లలో ఆయన నుంచి వచ్చిన క్రేజీ ఆల్బమ్స్ వేళ్ళ మీద లెక్కబెట్టవచ్చు. సో మెగా మూవీకి ఓకే చేయించుకున్నా రిస్క్ ఉండదన్న గ్యారెంటీ లేదు. ఇక తమన్ విషయానికి వస్తే భీమ్లా నాయక్, గాడ్ ఫాదర్ లాంటి యావరేజ్ కంటెంట్లకు సైతం మంచి బిజిఎం ఇచ్చాడు. ఓజికి సగం హైప్ రావడంలో సుజిత్ విజువల్స్ తో పాటు ఎక్కువ డ్యూటీ చేసింది తమన్ పాటలే.

సో ఇలా చూసుకుంటే తమన్ ని ఎంచుకోవడం తెలివైన ఎంపికే అవుతుంది. కొందరు గేమ్ ఛేంజర్ గుర్తు చేయొచ్చు కానీ అసలు ప్రోడక్ట్ తేడా కొట్టి శంకర్ కు సంగీతం మీద గ్రిప్ తగ్గినప్పుడు అంత కన్నా పాటలు ఆశించలేం. కానీ బాబీకి మ్యూజిక్ టేస్ట్ ఉంది. వాల్తేరు వీరయ్యకు దేవిశ్రీ ప్రసాద్, డాకు మహారాజ్ కు తమన్ తో చక్కగా చేయించుకున్నాడు. అసలే టైం తక్కువగా ఉంది. చిరు బాబీ మూవీని 2027 సంక్రాంతికి రిలీజ్ చేయాలనే ప్రాధమిక లక్ష్యంతో ఉన్నారు. అది నెరవేరాలంటే రెహమాన్ తో కుదరదు. తమన్ అయితే హైదరాబాద్ లోనే ఉంటాడు కాబట్టి చాలా సమస్యలను రాకుండా చూసుకోవచ్చు. చూడాలి మరి ఏం చేస్తారో.