వరల్డ్ మ్యూజిక్ ఐకాన్ మైకేల్ జాక్సన్ జీవితం ఆధారంగా తెరకెక్కుతున్న ‘మైకేల్’ ట్రైలర్ ఇటీవల రిలీజ్ అయ్యింది. ఆంటోనీ ఫుక్వా దర్శకత్వంలో వస్తున్న ఈ సినిమాపై సహజంగానే అంచనాలు ఉన్నాయి. తాజాగా విడుదలైన ట్రైలర్ 24 గంటల్లోనే రికార్డ్ వ్యూస్ సాధించడంతో సినిమాపై ఉన్న బజ్ ఏంటో అర్థమవుతోంది. అయితే కేవలం హైప్ మాత్రమే కాకుండా, సినిమాలో అసలు విషయం ఎంత ఉందనేది ఇప్పుడు చర్చనీయాంశంగా మారింది.
ఈ సినిమాలో మైకేల్ జాక్సన్ పాత్రను అతని మేనల్లుడు జాఫర్ జాక్సన్ పోషించడం మేకర్స్ తీసుకున్న ఒక సేఫ్ డెసిషన్ అని చెప్పొచ్చు. ఎందుకంటే రూపంలోనూ, బాడీ లాంగ్వేజ్లోనూ మైకేల్ను జాఫర్ బాగానే మ్యాచ్ చేశాడు. ట్రైలర్లో చూసినంత వరకు ఆయన డాన్స్ మూమెంట్స్, మేనరిజమ్స్ ఓకే అనిపించినా.. పూర్తి స్థాయిలో మైకేల్ స్థాయి ఎనర్జీని ఆయన రీప్లేస్ చేయగలడా లేదా అనేది సినిమా చూస్తేనే తెలుస్తుంది.
కథ విషయానికి వస్తే.. మైకేల్ జాక్సన్ కేవలం ఒక స్టార్ మాత్రమే కాదు, ఆయన జీవితం నిండా ఎన్నో వివాదాలు, ఒంటరితనం ఉన్నాయి. ట్రైలర్లో చిన్నతనం నుండి స్టార్డమ్ వరకు జరిగిన ప్రయాణాన్ని చూపిస్తూనే, వ్యక్తిగత జీవితంలోని కొన్ని ఎమోషనల్ సీన్లను కూడా టచ్ చేశారు. ముఖ్యంగా తండ్రితో ఉన్న రిలేషన్, స్టేజ్ వెనుక ఉండే ఒత్తిడిని సినిమాలో ప్రధానంగా చూపించబోతున్నట్లు అర్థమవుతోంది. అయితే ఈ ఎమోషన్స్ ఎంతవరకు రియలిస్టిక్ గా ఉంటాయనేది చూడాలి.
విజువల్స్ పరంగా హాలీవుడ్ స్టాండర్డ్స్ కు తగ్గట్టే గ్రాండ్ గానే ఉన్నాయి. ఐకానిక్ సాంగ్స్, స్టేజ్ షోల సెట్టింగ్స్ పాత రోజులను గుర్తు చేస్తున్నాయి. కలర్ గ్రేడింగ్, ప్రొడక్షన్ వాల్యూస్ సినిమాకు ఒక వింటేజ్ లుక్ ఇచ్చాయి. కానీ ఇప్పటికే మైకేల్ జాక్సన్ పై చాలా డాక్యుమెంటరీలు వచ్చిన నేపథ్యంలో, ఈ సినిమా కొత్తగా ఏం చూపించబోతోంది అనే దానిపైనే దీని సక్సెస్ ఆధారపడి ఉంటుంది.
బాక్సాఫీస్ వద్ద ఈ సినిమా క్లిక్ అయ్యే అవకాశాలు ఉన్నా, అది కేవలం మైకేల్ జాక్సన్ బ్రాండ్ ఇమేజ్ మీద మాత్రమే జరగదు. కథలో నిజాయితీ ఉండాలి. త్వరలో రిలీజ్ కాబోతున్న ఈ చిత్రం 1 బిలియన్ డాలర్ల మార్కును టచ్ చేస్తుందని ట్రేడ్ వర్గాలు అంచనా వేస్తున్నాయి. మరి ఆ స్థాయిలో సినిమా ఆకట్టుకుంటుందో లేదో చూడాలి.
This post was last modified on February 3, 2026 12:44 pm
ఇంకో నాలుగు రోజుల్లో విడుదల కాబోతున్న శ్రీనివాస మంగాపురం మీద సినిమా కంటే ఎక్కువగా మహేష్ బాబు ఆ మూవీ…
ఈ రోజుల్లో పెద్ద స్టార్లు థియేటర్లకు వచ్చి సినిమాలు చూడడం అన్నది దాదాపు అసాధ్యంగా మారిపోయింది. మిడ్ రేంజ్ హీరోలు…
తిరుపతి అసెంబ్లీ నియోజకవర్గం నుంచి విజయం సాధించిన జనసేన నాయకుడు, సీనియర్ నేత ఆరణి శ్రీనివాసులు రాజకీయ భవిష్యత్తుపై ఆసక్తికర…
కొందరు నటనలోకి రావాలని ముందే ఒక లక్ష్యం పెట్టుకుని పని చేస్తారు. కొందరు అనుకోకుండా ఈ రంగంలోకి అడుగు పెడతారు.…
టీడీపీ అధినేత చంద్రబాబు వైఖరి.. పార్టీ నాయకులకు బాగా కలిసి వస్తోందన్నవాదన వినిపిస్తోంది. ఇప్పటికి రెండు సంవత్సరాలుగా చంద్రబాబు.. తమ్ముళ్లకు…
తెలంగాణలో అధికార కాంగ్రెస్ పార్టీలో అంతర్గత విభేదాలు ఎప్పటికప్పుడు తీవ్ర చర్చనీయాంశంగా మారుతున్నాయి. గ్రాండ్ ఓల్డ్ పార్టీలో ఈ తరహా పరిస్థితులు కొత్తేమీ…