Gulte Telugu Telugu Political and Movie News Updates
పుష్ప షూటింగ్‍ మొదలు పెట్టడానికి అల్లు అర్జున్‍ ఏమాత్రం తొందర పడడం లేదు. ఇప్పుడు షూటింగ్‍ మొదలు పెడితే సమ్మర్‍ టైమ్‍కి లేదా జులై/ఆగస్ట్ కి ఈ చిత్రాన్ని విడుదల చేసుకోవచ్చు. కానీ అల్లు అర్జున్‍ ఆ టైమ్‍కి రిలీజ్‍ చేయడంపై ఆసక్తి చూపించడం లేదని సమాచారం. ఎలాగో సమ్మర్‍ రిలీజ్‍ మిస్‍ అవుతుందనేది క్లియర్‍గా తెలుస్తోంది కనుక సుకుమార్‍పై ఒత్తిడి పెట్టకుండా వచ్చే దసరాకి పుష్ప రిలీజ్‍ అయ్యేలా ప్రణాళిక వేసుకుంటున్నట్టు భోగట్టా.
ఆచార్య, రాధేశ్యామ్‍ లాంటివి సమ్మర్‍లో వచ్చేస్తే, ఆర్‍.ఆర్‍.ఆర్‍. 2022 సంక్రాంతికి వెళ్లవచ్చు కనుక ఎలాంటి టెన్షన్‍ లేకుండా దసరా రిలీజ్‍ ప్లాన్‍ చేసుకుంటే తాపీగా షూటింగ్‍ చేసుకోవచ్చునని అల్లు అర్జున్‍ ధీమా. సుకుమార్‍కి వేగంగా షూటింగ్‍ చేసే అలవాటు లేదు కనుక అతడిపై అనవసరపు ఒత్తిడి పెడితే మొదటికే మోసం వచ్చే ఛాన్సుంది. అందుకే అలాంటి రిస్కులేమీ లేకుండా దసరా బెస్ట్ రిలీజ్‍ డేట్‍ అని ఆ స్లాట్‍ మీద పుష్ప కర్చీఫ్‍ వేసినట్టు టాక్‍ వినిపిస్తోంది.
కొరటాల శివ సినిమా షూట్‍ మొదలయ్యేది కూడా ఆగస్ట్ తర్వాతే కనుక అల్లు అర్జున్‍కి ఆ కంగారు కూడా లేనట్టుంది. అల వైకుంఠపురంలో అంత పెద్ద హిట్‍ కావడంతో వెంటనే హిట్‍ ఇచ్చేయాలనే ఒత్తిడి లేకపోవడం కూడా బన్నీకి బాగా కలిసి వచ్చింది.
