Gulte Telugu Telugu Political and Movie News Updates
టాలీవుడ్ టాప్ స్టార్లలో ఒకడైన అల్లు అర్జున్‌ పక్కా ఫ్యామిలీ మ్యాన్ అన్న సంగతి తెలిసిందే. తన భార్యా పిల్లలతో బన్నీకి ఉన్న అనుబంధం గురించి కొత్తగా చెప్పాల్సిన పని లేదు. తన కూతురు అల్లు అర్హతో కలిసి ఉన్న ఫొటోలు, వీడియోలను తరచుగా బన్నీ సోషల్ మీడియాలో పోస్ట్ చేస్తుంటాడు. అర్హ క్యూట్ లుక్స్, మాటలతో సోషల్ మీడియాలో మంచి పాపులారిటీనే సంపాదించింది.
ఇటీవల నందమూరి బాలకృష్ణ హోస్ట్ చేసే ‘అన్‌స్టాపబుల్’ షోలో తండ్రితో కలిసి పాల్గొన్న అల్లు అర్హ సోషల్ మీడియా దృష్టిని బాగా ఆకర్షించింది. అర్హకు తెలుగు వచ్చా అని బాలయ్య అడిగితే.. చాలా కష్టమైన ‘అటజని కాంచె…’ పద్యాన్ని అలవోకగా చెప్పేసి పెద్ద షాకే ఇచ్చింది అర్హ. బాలయ్య సైతం తెలుగు మీద అర్హకు ఉన్న పట్లు చూసి ఆశ్చర్యపోయి తనకు ముద్దు పెట్టాడు. దీంతో తండ్రిగా బన్నీ పొంగిపోయాడు.
సోషల్ మీడియాలో అర్హ వీడియో బాగా తిరుగుతున్న నేపథ్యంలో బన్నీ తాజాగా తన కూతురితో కలిసి ఉన్న ఒక క్యూట్ ఫొటోను ఇన్‌స్టాగ్రామ్‌లో పంచుకున్నాడు. ఈ ఫొటోకు “అల్లు అర్హ అంటే డాడీస్ డాటర్ అనుకుంటివా.. డాడీస్ ప్రిన్సెస్” అని కామెంట్ జోడించాడు. ఈ పోస్ట్ సోషల్ మీడియాలో వైరల్ అవుతోంది. ఈ పోస్ట్ పెట్టిన కొన్ని గంటల్లోనే మిలియన్ లైక్స్ రావడం విశేషం.
