దిల్‍ రాజు మొర పవన్‍కళ్యాణ్‍ వింటాడా?

‘వకీల్‍ సాబ్‍’ కనుక సంక్రాంతికి మిస్‍ అయితే సమ్మర్‍ వరకు విడుదల ఆపుకోవాల్సి వస్తుంది. మొన్న వేసవిలో విడుదల కావాల్సిన సినిమా ఏడాది లేటవడమంటే దిల్‍ రాజుపై వడ్డీ భారం పెరిగిపోతుంది. అందులోను వకీల్‍ సాబ్‍ చిత్రాన్ని చాలా సింపుల్‍గా అటు పవన్‍కీ, ఇటు తనకూ లాభదాయకంగా దిల్‍ రాజు సెట్‍ చేసుకున్నాడు. ఈ చిత్రానికి పవన్‍ మినహా మరే స్టార్‍ ఎట్రాక్షన్‍ లేదు.

దర్శకుడు కూడా చిన్నోడే కావడంతో తక్కువ బడ్జెట్‍లో ఈ సినిమా పూర్తి చేసి మంచి లాభాలు చూడాలని భావించారు. తీరా కరోనా వచ్చి దిల్‍ రాజు ప్లాన్స్ భగ్నం చేసింది. కనీసం సంక్రాంతికి అయినా విడుదల చేసినట్టయితే కొంత నష్టం తప్పించుకోవచ్చునని దిల్‍ రాజు ఐడియా. అందుకే పవన్‍ షూటింగ్‍కి రాకపోయినా మిగతా భాగం షూటింగ్‍ పూర్తి చేసే పనిలో పడ్డారు.

నవంబర్‍ నాటికి పవన్‍ వచ్చేస్తాడనే దిల్‍ రాజు నమ్మకం పెట్టుకున్నాడు. నవంబర్‍లో పవన్‍ రాకపోతే కనుక వకీల్‍ సాబ్‍ షూటింగ్‍, పోస్ట్ ప్రొడక్షన్‍ అన్నీ పూర్తి చేసి సంక్రాంతికి విడుదల చేయడం కుదరదు. సంక్రాంతికి వచ్చిన తన సినిమాలన్నీ మంచి విజయం సాధించాయి కనుక సెంటిమెంట్‍ పరంగాను దిల్‍ రాజు ఆ సీజన్‍పై దృష్టి పెట్టాడు. మరి దిల్‍ మొర వకీల్‍ వింటాడా లేదా అనేది వేచి చూడాల్సిందే.