బిగ్‍ బాస్‍ లీకులు మొదలయ్యాయండోయ్

బిగ్‍ బాస్‍ సీజన్‍ మొదలవుతుందంటే టీవీ ప్రేక్షకులతో పాటు మీడియాకు కూడా భలే పండుగ. అసలే లాక్‍ డౌన్‍లో రాసుకోవడానికి వార్తలు లేక ఇక్కట్లు పడుతోన్న టైమ్‍లో బిగ్‍ బాస్‍ స్టార్ట్ అవుతూ వుండడంతో ఇక ఆ అప్‍డేట్స్తో బోలెడంత కాలక్షేపం దొరుకుతుందని మీడియా సంస్థలు ఎదురు చూస్తున్నాయి. షో మొదలయ్యే లోగా ఈ సీజన్లో పాల్గొనే కంటెస్టెంట్ల వివరాలు లీక్‍ అవుతున్నాయి. నిజంగానే వాళ్లు షోలో వుంటారో, లేక ఊహాగానాలో వారిని నాగార్జున స్వయంగా ఇంట్రడ్యూస్‍ చేసే వరకు తెలీదు.

అయితే ఈ ఏడాది తక్కువ మంది కంటెస్టెంట్స్ వున్నా గట్టి వాళ్లను, బాగా ఎంటర్‍టైన్‍ చేసే వాళ్లను పెడుతున్నారని టాక్‍. ప్రతి సీజన్‍లానే ఈసారి కూడా డాన్స్ మాస్టర్‍తో పాటు ఒక సింగర్‍ కూడా హౌస్‍లోకి వెళుతున్నారు. ఆ డాన్స్ మాస్టర్‍ మరెవరో కాదు… జానీ అని చెబుతున్నారు. ప్రస్తుతం లీడింగ్‍ కొరియోగ్రాఫర్‍ అయిన జానీ మామూలుగా అయితే ఈ హౌస్‍లోకి వెళ్లేంత తీరిగ్గా వుండడు. కానీ ఇప్పుడు షూటింగ్స్ లేవు కనుక అతడు అభ్యంతరం చెప్పలేదని అంటున్నారు.

అలాగే యాక్టర్‍ కమ్‍ సింగర్‍ నోయెల్‍ కూడా ఈ సీజన్లో తన హుషారయిన పాటలతో హౌస్‍లో అలరిస్తాడట. లేడీ కంటెస్టెంట్స్ కూడా చాలా పాపులర్‍ ఫేసెస్‍ వుంటాయని అంటోన్న నేపథ్యంలో ఈ సీజన్‍పై ఉత్కంఠ మరింత పెరుగుతోంది.