జగన్ పాలనపై రిమార్కులకు వారే కారణమా

జగన్ పాలనపై రిమార్కులకు వారే కారణమా

ఉద్యోగులకు చంద్రబాబు వ్యతిరేకి.. వారిని రాచిరంపానపెడతారు.. అందుకే ఆయనంటే ఉద్యోగులకు వ్యతిరేకతని.. ఉద్యోగుల ఆగ్రహం వల్లే ఆయన గతంలో ఓడిపోయారని, మొన్నటి ఎన్నికల్లోనూ ఉద్యోగులు ఆయనకు సహకరించలేదని చెబుతారు.

అయితే... అదే ఉద్యోగ వర్గం ఇప్పుడు చంద్రబాబుకు అనుకూలంగా పనిచేస్తోందని.. జగన్ కంటే చంద్రబాబే నయం అనుకుంటూ జగన్‌కు సహకరించడం లేదన్న ఆరోపణలు వైసీపీ నుంచి వినిపిస్తున్నాయి. ముఖ్యంగా పలు శాఖల్లో ఉన్న చంద్రబాబు వీరవిధేయులు జగన్ పాలనకు సహకరించడం లేదన్న ఆరోపణలు వస్తున్నాయి.

ముఖ్యంగా విద్యుత్ విషయంలో జగన్ ప్రభుత్వం తీవ్ర ఒత్తిడి ఎదుర్కొంటోంది. తగినంత విద్యుత్ లేక కోతలు విదిస్తూ ప్రజల నుంచి కూడా వ్యతిరేకత మూటగట్టుకుంటోంది. చంద్రబాబునాయుడు తనకు అనుకూలమైన కంపెనీలతో చేసుకున్న విద్యుత్ ఒప్పందాలను జగన్‌ ప్రభుత్వం సమీక్షించేందుకు సిద్ధమవడంతో వివాదం మొదలైంది.

25 ఏళ్ల పాటు బాబు అనుకూల కంపెనీలతో చేసుకున్న ఒప్పందాల రద్దు అనగానే మీడియా కూడా గగ్గోలు పెట్టడం మొదలుపెట్టింది. పీపీఏలను రద్దు చేసుకుంటే విద్యుత్ సంక్షోభం వస్తుంది అన్న భావన కలిగించేందుకు తీవ్రస్థాయిలోప్రయత్నించింది టీడీపీ. అయితే... ఇదంతా బయట నుంచి జరిగిన కుట్ర అయితే ట్రాన్స్‌కోలో అంతర్గతంగా కూడా కుట్ర జరిగిందని వైసీపీ అంటోంది. ట్రాన్సుకోలోని ఉన్నత ఉద్యోగులు కూడా టీడీపీకి సహకరిస్తున్నారన్న ఆరోపణలు చేస్తున్నారు. చంద్రబాబు హయాంలో కీలక స్థానాల్లో పాగా వేసిన వారు బాబు మేలు కోరుతూ  ప్రస్తుత ప్రభుత్వానికి చెడు చేస్తున్నారని వైసీపీ వర్గాలు అనుమానిస్తున్నాయి.

పీపీఏల సమీక్ష అంశంలోనూ కొందరు ఉన్నతాధికారులు ఇబ్బందులు కలిగిస్తున్నారని ఆరోపిస్తున్నారు. విద్యుత్‌ శాఖలో ఉత్పత్తితో సంబంధం లేకుండా ఏర్పడుతున్న ఇబ్బందుల వెనుక వీరి హస్తం ఉందని ట్రాన్సుకోలోని మరో వర్గం ప్రభుత్వానికి ఫిర్యాదు చేసినట్లుగా చెబుతున్నారు. దీంతో చంద్రబాబు అనుకూల అధికారులను సైడ్ లైన్ చేసే కార్యక్రమం మొదలైనట్లుగా తెలుస్తోంది. ట్రాన్స్‌కో ఎండీ శ్రీకాంత్‌కు ఈ మేరకు ఆదేశాలు అందడంతో కొందరని మెల్లగా పక్కకు తప్పించే పని చేపడుతున్నారని టాక్. ఇందుకోసం ఇప్పటికే లిస్ట్ తయారుచేశారని వినిపిస్తోంది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English